Ka Nupepa Kuokoa, Volume XLVI, Number 38, 17 September 1909 — LILO KA LOIO KALANA I MEA HOOPAKELE. [ARTICLE]

LILO KA LOIO KALANA I MEA HOOPAKELE.

Ua lilo ka Loio Kalana J. W. Cathcart i mea hoopakele i kekahi mau'mea i hoopiiia ma "o ka hoopau wale ana i ka hihia o kekahi, a noi hoi i ka aha e kapae i ke kau ana mai i ka hoopa'i maluna o kekahi, he keehina e nele ole ai ke kani o ka aka a na mea i hoopiiia no ko laua pakele ana ma ka apua. He hookahi o na mea i hoopiiia i hoolimalima ia Willie Crawford i loio nona oia o Ah Kwong no ka pepehi ana i ke kuhiulau puaa a kekahi mea okoa aku. a me na keiki puaa liilii elima. Ua hoolohe muaia kela hihia iloko o ka aha apana o Waialua a ahewaia ka mea i hoopiiia, aka ua hoohalahala loaia mai nae kela olelo hooholo imua o ka Aha Kaapuni. , Ma kekahi ano nae i maopopo ole, ua hoea aku la ka Loio Kalana ma ka aoao o ke aupuni a noi aku la imua 0 Lunakanawai \De Bolt ma ke kakahiaka Poalua pule i hala e hoopau wale i ka liihia no ke kūmu, ua manaoio. oia ua pili' no ka hewa i ka mea i hoopiiia, alea he hewa nae e hiki ole ai i na kiure ke ahewa mai i ka mea 1 hoopiiia. Mamuli o ia noi, ua ae mai o Luna* kanawai De Bolt e hoopau wale i ka hihia, he loaa ana h.oi o ka lanakila ia Loio Crawford, oiai nae maloko wale no o ka aha apana kahi hiki iaia ke 1 ku loio. Ma ka hihia o kekahi* Kepani i hoeha aku ai i kona hoa lahui, ua ae okoa aku oia i kona hewa imua o ka aha, aka ma ke noi no a ka Loio Kalana, ua ae mai la ka lunakanawai e kapae i ke kau ana mai i ka hoopa'i no kona hewa no umi-kumamakolu mahina.