Ka Nupepa Kuokoa, Volume XLVI, Number 37, 10 September 1909 — HALA NA MALIHINI NO HAWAII Ma ka Mauna Kea i Kau Aku ai na Kanaka Ahaolelo ame ko Lakou Ohana. [ARTICLE]

HALA NA MALIHINI NO HAWAII

Ma ka Mauna Kea i Kau Aku ai na Kanaka Ahaolelo ame ko Lakou Ohana.

Ma ka Mauna Kea o ka haalele āna mai ia Honolulu nei ma ke awakea o ka Poalua nei i kau aku ai na malihini a ke Teritore no ka holo makaikai ana i ka JVi6ku o Keawe a hala loa ae i Maui e hala okoa ai he mau la ia lakou ma ka makaili'ii ana ia mau mokupuni o ke Teritore. Ma kela hualeai i pau loa aku la na malihini i ka hele makaikai me ka lakou mau wahine ame na kaikamahine he hookahi paha hoi kumu nui o ko lakou ake nui ana e ike ia Hawaii, no ka ike kumaka ana i ka Luaopele kahi a lakou o ka lohe wale ana i ke kaulana/apuni ke ao nei. I kulike ai me ka papa hoōnohonoho i hoomakaukauia no kela huakai, e kipa aku ana ka Mauna Kea ma Mahukona, a ilaila e hooleleia ai kekahi mau kaa otomobile me ka poē e makemake ana e hele mauka o ka' aina, a o ke koena iho o ka poe i koe, e lawe loaia aku ana lakou no na Kona a hooleleia ma Napoopoo. e kokoke la i ke kia hoomanao o kapena Kuke. O ka poe e hele ana mauka o ka aina, e makaikai ana lakou ia Kohāla, Hamakua a hoohiki loa aku no Hilo, oiai hoi ka poe i hooleleia ma Napoopoo e holo mai ai maūka <5 ka aina a hiki i Kailua. a kau hou ina ka Mauna Kea no ka holo loa ana aku no Hilo.

II ka Mauna Kea e ku ai ma Hilo, e hoohalaia anā he manawa no ka ma-

kaikai ana i ke' Eulānakauhale, a ma ke kakaliiakO, ae' ; 0 ,,; kekaīii la e lawe loaia aku ai)latfdtf':iid ; '3ca hT(somakaika'i ana i ka ko lakou ike ana i na hana kupaianaha a Madame Pele. Ma ke ahiahi o ka Poaono, e haalele aku ai lakou i ka Ua Kanilehua no lea liolo ana niai no ka Moku o Kama, a ma Hana e hooleleia ai na malihini, a mauka o ka aina e holo aku ai maluna o na kaa ame na lio no Makawao. , Oiai he uuku loa ko lakou manawa e hoohala ai ma Maui, e hooikaika ana na kamaaina e; lawe hoomakaikai ia lakou no ka piko o Haleakala, a ma ke ahiahi o ka Poakahi e akoakoa ae ai lakou apau ma Lahaina, a kau mai ma ka Mauna Kea e hoea mai ai no ke kulanakauhale nei ma ke kakahiaka o ka Poalua o keia pule ae, ua like me hookahi pule ko lakou manawa e kaawale ai mai Honolu u aku nei.