Ka Nupepa Kuokoa, Volume XLVI, Number 37, 10 September 1909 — LILO KA MOKUPUNI O LANAI IA W. G. IRWIN. [ARTICLE]

LILO KA MOKUPUNI O LANAI IA W. G. IRWIN.

Mahope iho o ka hoohala ana o kekahi o na keiki Niihau, Chas. Gay he

mau makahiki loihi i hala ae 'nei maluna o ka Mokupuni o ua hoolilo aku la oia i ua mokupuni la ia W. G. Irwin no ke kumukuai o hookahi wale no dala, a ma ka Poalua nei i hookomoia ae ai ka palapala kuai no ke kope ana maloko o ke keena o ka Luna Kakaukope o ke aupuni. Ma kela palapala kuai e hoolilo loa ana o Mr. Gay i ka mokupuni, na hale ame na holoholona apau ona no Irwin, a na huli hoi aku oia no Kauai me kona ohana. Ua oleloia, he nui maoli no na kaukani dala a Gay o ka hooiilo ana no kela mokupuni ,a me he mea la mamuli o kona ike ana i kona poho, pela oai i hoolilo loa aku ai no Mr. Irwin. Ua moraki muaia kela mokupuni ia Mr. W. G. Irwin, a oiai he aelike ka laua i hana ai, ina e liiki ole ana ia Mr. Gay ke uku mai i kana mau dala o ka aie ana iloko o ka wa i hoikeia

r i.loko o ka m raki, alaila e hoolilo luv. mai oia i kela mokupuni iaia mamua o ke k'udala maoli ana, nolaila no ka hiki ole paha ke uku aku i n*i dala i aieia ai ke kumu o ka hooliloia ina P.ku la o kela mokupuni. Aole i maopopo ka mea e hanaia aku ai no kela mokupumi i keia manawa, aka ua olelo ae nae o Irwin, he poe kekahi i, noi aku iaia e kuai hou mai i kela m6kupuni ia lakou, koe nae kona haawi ana aku i kona ae. Oiai e holo aku ana oia no na aina e ma keia mua koke iho, nolaila ua makemake oia e maopopo i ka mea e hanaia aku no kona mokupuni mamua o kona haalele ana iho.