Ka Nupepa Kuokoa, Volume XLVI, Number 37, 10 Kepakemapa 1909 — HE MOOLELO NO TINA POLENA A I OLE Ke Kaikamahine Loea Hana Lihilihi o Brukela. [ARTICLE]

HE MOOLELO NO TINA POLENA A I OLE Ke Kaikamahine Loea Hana Lihilihi o Brukela.

MOKUNA XXXIII. Mahope iho o ko lakou hoohala ana i kekahi manawa ma ke kamailio ana, ua kahea aku la ka Lede Ara i kana kauwa no ka ana aku e hoikeike i na rumi i hookaawaleia no kana mau malihini, me ka hoike pu ana aku hoi ia lakou, aia a ka hapalu,a o ka hora eono o ia ahiahi, alaila makaukau ko lakou aina ahiahi, a ma ka hora eiwa o ia po, e hoea mai ai kekahi poe ana i kono ai no ka hele ana, mai e ike iaia, mahope iho o kona nalowale ana no na makahiki he kanaha a oi. . He oi ae ka makemake o ka Ela no laua wale iho no keia ahiani e hoohala ai ma kahi mehameha, aole hoi e kipa nuiia mai e hanohano, aka nae i ka maopopo ana iaia o na mea apau e like me ia j ana i ike ai ma ia hope mai, ua hauoli loa oia i ka hoolala ana a kona j kaikuahine a e ike aku ana no kakou i kekahi nuhou ano nui e hoohauoliia ai ka manao o ka poe e heluhelu ana i keia moolelo me ka hoomanawanui. No ka Lede nae ame kana kaikamahine, ua hoi aku la laua no ko laua mau rumi, no ka wehewehe ana i ko laua mau lole, a 0 ia ka ke kaikamahine o ka i ana aku i kona makuahine: j "He keu aku ka hoi ko'u makemake i ke kamailio pu ana me na J luahine a he wahine oluolu maoli no keia, ua kulike no kona ano me ka Ela," me ka noonoo ole iho nae o Geterude no kana i hana aku at i ka luahine kuai pua, he mau hora wale no mamua ae o kona halawai ana me keia luahine i kulike loa ko laua ano luahine. "Auhea oe e kuu kaikamahine, ua makemake au e haawi aku oe j 1 ko kupunawahine ina mea apau nona e hauoli ai. Ua hoike ma» ko kupunakane ia'u, o keia kekahi o na wahine waiwai loa, nolaila ina i piha oe i ke akamai ame ka maalea, alaila aole e nele ka lo&a mai o ka pomaikai ia oe, a o ka pau no ia o ka hopohopo ana nou e kuu keiki. "Laki maoli no ka nalowale honua ana o kela wahi kaikamahine komo hewa, ina eia oia me kakou ke noho nei, aole no e nele ana kona hoomalimali a hiki i ka puni ana o keia luahine, eia nae hoi ea, he keu no ko'u makemake loa e ike i ke kumu o kona nalowale ana. * "Aole a kaua kamailio hou ana nona, heaha hou mai kana oonei nei e hokai ai i keia pomaikai o kaua? Ke ole au e kuhihewa, o ke kumu o kona loaa ole i ka huliia, ua haule maoli no oia iloko o ke kai, a ua pau i ka aiia e ka mano, a he malaelae hoi paha ia o ke kahua na'u e oni hookahi aku!" MOKUNA XXXIV. Ke kakali malie mai la ka Lede Alebere ame kana kaikamahine o ka hoea mai i ka manawa o na malihini e hoea mai ai ma ia. po nolaila niamua ae o ke kani ana o ka hora eiwa, ua hele e aku la laua nei no ke keena hookipa, a ia ike ana aku a laua i na nani like ole e hewa ai i ka maka'ke ike aku, ua hiki ole ia laua ke uumi īho 1 ka hooho maoli ana ae i na mahalo kiekie ana no ke ano o ka hoonohononoia ana o na lako hale. # M He keena nui kela i mahele hapaluaia me kekahi pi o nui mawaena konu, i hana ia e like me ka noeau i loaa i ke kanaka, a i ka nana ana aku a ko laua mau maka ma na paia, hewa i ka wai ua mau mea nani he nui e kakau mai ana, a ke alawa iho hoi 1 na moena weleveta e halii ana iluna o ka papahele, me he mea la aia laua īloko o ka mahina ai uliuli kahi i hele ai, a oiai o laua nei wale no keia e ike nei i keia mau mea like ole, nolaila aole he poe na lakou e lohe wale mai ka noke o ua mau wahine la i ka haano'u i ka waiwai o keia ohana o laua. . , T "Akahi no au a hoomaopopo he keu maoli ka maiau o ka Ledc Ara i ka hoonani ana i kona hbme," i hawanawana aku ai o Geterude i kona makuahine iaia e kilolii ana i na naill llke ole OIOKO O kela fc eena I keia manawa nae i hoea mai ai kekahi poe malihini i konoia, a ua kamaaina wale no ka Lede Alebere ia lakou apau, a he hookahi ko lakou nei nanea ana ma ke kamailio ana ma na mea 1 maa īa lakou. Aia ka Lede Ara ke ku la ma ka puka e komo aku ai īloko o ke keena a e haawi ana hoi na malihini i ko lakou mau aloha īaia, a e hookipa mai ana hoi oia i na malihini ma ke ano paa rula e loaa o e ai ka nemaia mai e kekahi o kakou. Ke komo la no oia 1 kona lole eleele. eia nae he oi ae ka nani o keia lole imua o kela lole ana o ke komo ana i kona wa i hookipa mai ai i kona kaikunane ame kona ohana. a aia hoi ma kona lima akau e paa ana oia he boke pua, o īa no kela boke a ka E3a o ke kuai ana ma ka hale hoolulu kaaahi. Ke ku pu la no ka Ela ma ka aoao o kona kaikuahine, a ke nana aku ia laua a elua aole he loli o ka helehelena o kekahi mai kekahi mai. I kela manawa a ka Ela o ka haawi ana aku Ika boke pua waioleta i kona kaikuahine, aole i hooneleia ka hookahe ana mai o ka Lede Ara i kona mau waimaka no keia hana. a kona kaikunane īaia, a mē he mea la i ka hoomanao ae a ua kaikuahine nei ona, aia no laua a elua i kela mau la opiopio o laua, e ku aku ana kekahi no ke kiai ana i ka pono o kekahi. : Uā eu mai la ka Lede Alebere a hele mai la np ke ku pu ana ma ka aoao o kona makuakane, a oia no hoi kekahi u'i ke nana aku, a ke hee la no ke daimana ma konā a-i ame kona mau manamanalima, aka aole nae lakou i lihi launa aku me ke daimana e komoia ana e kona makuahine hanauna, aka iloko nae o kona noonoo e hiki mai ana no ka manawa e lilo aku ai ia mau nani apau iaia a 1 ole 1 kana kaikaAole hoi he hoohalahala ana no Geterude no ka mea oia kekahi o na kaikamahine u'i, a hui pu iho hoi me ka n.ani o kona lole o ke komo ana mai ma ia ahiahi, aole he mea a ka naau e hoohalahala ai nona, a ia ike ana aku a ka Ela i ka hele ana mai o kana moopuna, ua hooho ae la oia me ka leo malie: "He makehewa maoli ka u 1 o kekahi kaikamahine i na i nele oia i ka puuwai maemae 1 piha noi me na hana ku i ke aloha." Ia ike ana mai o ka Lede Ara 1 na lede e ku ana ma ka aoao o ka Ela. ua haawi mai la oia i kana kunou haahaa ana, me ka 1 ana mai ia lāua malia paha e lilo ana na hora o ia ahiahi 1 manawa no laua e hoohauoliia ai, alaila ua koi mai la oia īa laua e hoi ae a ku ma kona aoao h'emia, a huli aku la haawi i kona aloha 1 ka nui o na malihini e komo mai ana. Ua nui' maoli ka poe i hele mai ma kela ahiahi, a akahi no lakou a ike kumaka i ka lede nana i hoomakaukau i keia anaina ma kela ahiahi a aole wale no i lilo ko lakou ike ana 1 mea hookahaha aku ia lakou, aka, ua lilo pu ka lole ame kona mau mea hoonani 1 mea na lakou e haano'u ai. • • u He keu maoli ka piha o keia anaina ike o keia po, 1 pane mai ai kekahi o na malihini i ka Lede Alebere. "He piha mai hoi kau a koe aku, a ke ike aku nei au„me he mea la aole i hiki aku i ka pau o ka poe e hele mai ana ma keia anaina " paha oukou e kala i lohe mua ai no ka huli hoi ana mai o ka Lede Ara?" i hoomaoe hou mai ai ke kokoolua e kamailio nei . ka Lede Alebere. . , " \e, aole makou e kala i hoomaopoppo mua ai no keia hoea ana mai ona no Ladana nei, a ke ole au e poina, me he mea la o keia ka ha o ka pule mai kela manawa mua loa o lea loaa ana mai o kana leka, e hoike mai ana no kona ake e ike hou ika aina hanau. . E nanea ana no nae laua nei, ua pa-e mai la ka leo o ka Leae Ara i ka pane ana mai: "E oluolu anei oe e Katarina e hooponopono iki mai hoi i ika lihilihi o kuu lole nei, ua hele hoi a ano minomino. Ua kokua aku la no hoi ka Lede Alebere e like me īa 1 kamailioia mai ai iaia no ka pono o ka lole o kona makuahine, a īa huu ana mai kona hana e nana i kona hoa kamailio aole iho la kela, a ku wale iho la no oia kakali a hiki i kona hoea hou ana mai. Ke hele ae nei keia e kokoke e kani ka hora umi-kumamakahi, a ia wa i hoikeia mai ai ka lohe no ka hoea mai o ka Haku Hoborona ame ka Lede Hoborona. * '

No Alebere ame Geterude ke kau la ko laua mau maka o ka ike aku i ke komo mai o ka makuahine me kana keiki, oiai hoi ke ha'i wale la no o Geterude, me ka hoomalae pu ana iho ma ke ano hooha'i no kona halawai aku me ke kanaka ana i makemake loa ai e lilo mai i kane nana. Aole i emo iho ia kakali ana aki\ a ke anaina, ua komo mai la ka Haku opio, me ka hookuene pono ana ae o ka puuluulo ana a na maliihini, no ka hookaawale ana ae i kahi no ua haku la e komo mai ai e ike i ke karhaaina nona ka hale, aia hoi ma na papalina o ua haku la, na minoaka hoohie ana, a e kalele aku ana maluna o kona poohiwi, kekahi kaikaniahine opio u'i nona ke kino pilalahi, i kahikoia me kekahi lole nani, ka mea nana i hoopilipu aku i ka hanu o ka poe akahi a ike i keia mau opio o ke kulu aumoe. Ke haohao loa mai nei paha ka poe heluhelu i ka wahine o ka hoea like ana mai la me ka Haku Eneki Hoborona, ae na wai hoi e ole ka haohao, akahi no ka hoi ka ike hou iaia, a o ua lede la o ia no ka kakou Tina, ka mea i nalowale a loaa hou, i make hoi a ola hou mai, aole nae oia e ike houia e kakou ma keia pa, ma kela inoa i kamaaina i ka poe heluhelu o keia moolelo, aka ua hoolauna ae la ka Haku Hoborona iaia ma ke ano ka Lede Hoborona. Ke nana aku i ua kaikamahine la iloko o kela kulana hou ona, aole loa he wahi hiohiona o ke kaumaha maluna o kona helehelena, aka he ulumahiehie, a he hauoli ka mea e hekau la maluna ona, me he mea la o keia hōme a laua o ke kipa ana mai la, o kona home ponoi no ia, a he anaina keia i kamaaina mua ia ame ka ma'nao o ko lakou hoea ana mai ma kela po. I ka manawa a ka Lede Alebere ame kana kaikamahine o ka ike ana mai i ke ku aku o Tina me ka Haku Hoborona, ua aneane loa ua mau wahine nei e maule iho ilalo, a o ia ka ka makuahine o ka i ana aku i kana kaikamahine: "Aia hou no kela kaikamahine, he keu no Jioi ua nalowale ia mai ia kaua aku, eia hou no ka oia ke hokai mai nei i ko kaua mau pomaikai." Ke manao aku nei la o Geterude o ka Haku Hoborona me kona makuahine keia o ka hoohoia ana ae, eia ka o kona enemi ino loa, a ua koikoi maoli ka haawina i kau iho maluna ona, oiai aole oia i hoomakaukau mua iaia iho i wahi e halahu ae ai na noonoo ana no kela kaikamahine. No ka makemake ole o Geterude e halawai pu me Tina, o kona emi aku la no ia ihope a hiki i kona noho ana aku maluna o kekahi noho ma kahi mamao loa e hiki ole ai oia ke ikeia aku, a noke iho la i ka uwe me ka naau i hoopihaia i ke kaumaha* aka no ka Ela nae, i kela manawa ana i ike aku ai i ka mea e hele pu ana me ka Haku Hoborona, ua lamalama koke ae la kona mau maka me ka piha olioli, aka aole loa nae oia i hoopiooia aku, aka ua hene malie wale iho la no kana aka iaia i ike āku ai i na opio iloko 6 ke kulana ulumahiehie. Ua haawi aku la ka Lede Ara i kona lima i na opio, a me ka minoaka ma kona mau papalina, ua i aku la oia: "Ua noa keia home no olua e kuu mau keiki, a pehea e hoea mai ana no anei ko makuahine ia nei i keia po?" "Aole e hiki mai kuu makuahine no ka mea aole i loaa iaia ka ikaika maikai e hele mai ai, aka ua kaumaha loa no nae oia no kona haule ana, a o ka'u i lawe mai nei mai iaia mai, o ia no kona aloha ana mai nei ia oe, aka e hiki mai ana no ka la ana e hoea kino mai ai no ka halawai pu ana me oe." Ia pau ana o ka Eneki kamailio ana mai i ka Lede Ara, ua haawi aku la oia i kona lima i ka Ela, a he manawa loihi ia o ko laua lulu - lima pu ana no ka mea ua hauoli maoli laua a elua ma o ka ike hou ana ia Tina, aole nae ma ke ano he wahi kaikamahine kama ole, aka ma ke ano oia kekahi i kau puia aku me ka poe kiekie o Einelani apuni. Ua huli ae la hoi ka Lede Ara no ka nana ana i ka Lede Alebēre ame kana kaikamahine eia nae ua nalowale aku la laua, no ka holo ana e pee ia laua iho, no ka piha i ka hoonaukiuki, a no ka piha pu hoi kekahi me ka hilahila, alaila ua huli mai la oia imua o Eneki a kauoha mai la iaia e hoolauna.aku i kana wahine mare. 4 Ua hana aku la o Eneki e like me ka Ara kiuoha iaia, a ia wa i momoku mai ai kona mau ka poe no apau i akoakoa mai ma kela po, no ka haawi ana mai i ka lakou mau hoomaikai ana maluna o ka Haku opio no ka laki o ka loaa ana iaia o kekahi wahine u'i loa i hiki ole ke loaa kona lua ma Enelani apuni. I hakalia no a pau ka hoolauna ana a ka Haku Hoborona i kana wahine a ia ku kohana ana iho a ua kanaka opio nei, o ka wa no ia i pohai mai ai na mea apau ma kona aoao a hoomaka mai la e waiho i na ninau lehulehu e hiki ole ai iaia ke pane aku i ka manawa hookahi, ua like pu oia me ka nupule ka pukakaia e kela poe. "Heaha ke ano o keia mea a kaua e ike nei? Ihea oia kahi i nalowale ai? Ua īke no anei kuu makuakane ka Ela i keia mau hana ma-lu a lakou i hana ai?" O keia na ninau a ka Lede Alebere e npke la i ka niele i kana kaikamahine maloko o kekahi wahi rumi a laua o ka holo ana aku iloko olaila e pee ai i ole ai e hoohilahila waleia mai e ka poe malihini, ke ike mai kela poe i ko laua ano. "Ua loaa anei i keia kaikamahine na hooiaio ma kona aoao no kona makuakane? Ina ua hoauheeia aku kela kiko eleele mai kona moolelo aku, alaila aole he hou no kaua i koe e kaukai aku ai no ka pono o ko kaua noho ana aku mai ka Ela mai, a e hoao aku kaua malia o aloha mai ka Lede Alebere ia kaua, alaila loaa iki paha ia'u ka pono ame olua ka'u mau keiki." "He hookahi a'u mea e kahaha loa nei, pehea la laua i konoia aku ai e hoea niai ia nei i keia po. Ua kamaaina mua no anei laua i ka Lede Ara?" i ninau aku ai o me ke pihoihoi. "E hoomanao hoi oe, ua manaoia ka Lede Ara e mare me ka hoahanau O ka makuakane o Eneki, a no ka holo mahuka ana o kela kanaka jne ka wahine okoa, pela i hooko oleia ai ko laua mare, a oiai ua kamaaina loa ka Lede Ara me ka ohana o ka Haku Ilohorona, nolaila aole no e nele ana ko lakou konoia aku e hoea mai ī keia po, e like me ka kaua i ike maka aku nei." He hookahi mea i maopopo loa ia Geterude o īa no ka lilo ana 0 Tina i wahine mare n?i ka Haku Hoborona, a o kona ku iho la no hoi ia i kahi o ka hoka, he ume i ka hupe ka mea loaa. "O kekahi mea paha a kaua e nana aku ai e kuu kaikamahine, aole he wahi mea a pihoihoi iho o ka Ela, me he mea la no oia kekahi 1 komo pu ma ka ohumuhumu ana no īia mea i hanaia mai īa kaua ī keia po, eia nae hoi, akahi no kakou a halawai pu me ka Lede Ara, a he keu aku maoli ko'u pohihihi no keia mau hana o keia po. Ua hoao iho la no nae ua mau wahine nei e hoomalielie ī ko laua mau manao, ahe.oiaio ua akakuu iki mai la ko laua mau manao uluku, a no ko laua maka'u o loaa ka hoohuoi iloko o ka Leae Ara no ko laua kumu o ka nalowale ana, nolaila ua hoi hou mai la laua iloko o ke keena e luana ana o na malihini, eia nae aia no laua ma kahi mamao loa mai. ka Lede Ara aku, a rrtai ka Haku Eneki aku hoi ame kana wahine. . . . Ua momoku mai la ka poe i kamaaina mua īa laua nei, me ka noke ana mai i ka haano'u ia laua nei no ke ku i ka maalea o ka hoolalaia ana o na mea apau no ka pono o ka paa mare hou, e noke pu mai ana hoi lakou i ka akaaka ia laua nei ma ke ano pina nauoli no ke anaina o ka akoakoa ana aku ma ia po. He hooikaika poo wale aku no ko laua nei ī wahi no ko mau hoaloha e hoohuoi ole mai ai no ko laua kue ia Tina, a ke noke pu ia mau Ia hoi laua i ke kamailio hoonuinuiia no ke akamai O linek'l ma.ka pahele ana a hiki i ka lilo ana aku o Tina i wahine nana. Aole o laua nei makemake e niele loa aku i na mea. e pili ana no na opio, aka he uuku loa ka laua mau wahi mea e kamaiho aku ai, a t kekahi manawa e hoao maoli aku ana no laua e haawi aku ī kekani mau minoaka ana, eia nae aole no e nele ana ka ikeia mai o ko laua ano hoihoi ole no keia paa mare hou. , , . E manao ana hoi ka Lede Alebere o ka pau la keia o na me kupaianaha ana o ka ike ana ma keia po, aka eia aku no ua mea ku- ! paianaha e halawai hou mai ana me ia mamua, o kona hoi anaaku noloko o ko laua rumi moe, oiai i ka wa i pau loa aku ai na malihini i ka a i ko laua nei ike ana ua kaawale ke keena hookipa, ua komo malie aku la laua noloko o ua keena la no ka haawi ana aku » ko laua aloha hope i ka Lede Ara mamua o ka hoi ana aku e hooluolu no ia po. . N.o ko laua ike ole ana aku i ka Lede Ara maloko o ke keena hookipa nolaila ua hoolono aku la laua o ka lohe aku i kona leo, a ia laua no ka maopopo aia ua lede nei maloko o kekahi rumi okoa aku, ua hele aku la laua no ka hui pu ana me ia. O ka mea nae nana i hookuihe mai i ko laua manao, o ia no ko kona mau lima maluna o ka ppoohiwi o Tina a e haawi aku ana i na olelo hoolana e hoopiiia mai .ai ka hoonaukiuki iloko o laua nei. laua ike ana aku i ke ku mai o ka Ela, e paa aku ana hoi kekahi o Ke ike pu aku la laua i ka piha o na maka o ka Ela me na wai-

maka, a e kau mai ana hoi ka nana ana a ua kaikamahine nei a laua 0 ka hoowahawaha ana maluna o ka Ela, me he mea la aole he mea nui e ae iloko o ka noonoo o ka Ela aka o kela kaikamahine wale no. Aia hoi ma kahi mamao mai ia Tina ma aku, e ku mai ana ka Lede Ara me ka Haku Hoborona, o laua no hoi kekahi e u noke ana 1 ke kamailio me he mea la ua kulike loa ko lakou mau manao apau. He nakeke nae ka ka Lede Ara o ka lohe ana aku, a i alawa aku kona hana ma kahi ana o ka lohe ana aku i kela nakeke, ua ike aku la oia i ka Lede Alebere ame Geterude e anehe aku ana e hele no ka pee ana ia laua iho, aka ua hele e aku la nae ka Lede Ara a kahea aku la ia laua e noho mai. "E komo mai iloko nei e Katarina," a hopu okoa aku la no oia i ka lima o Katarina a lawe' mai la noloko o ka rumi a Tina ma e noho ana. "Aole au i ike i ko olua hele ana ae nei e ike ika paa mare hou, aka e ae mai oe na'u maoli no e hoolauna aku ia oe ia laua." Ua ka ino aku la o Katarina i kona lima mai ka paa ana a ka Lede Ara, alaila ua ku ae la oia iluna a pololei, a pane aku la me ke ka'uka'ulua ole iho: "No kuu haku, aole au hoolauna ana aku ia'u iaia, oiai ua ike a ua kamaaina mua no au iaia, aka no kana wahine ina oia kela e ku mai la me kuu makuakane, alaila aole loa o'u wahi hoihoi iki e ike aku iaia, oiai he kohu ole no kekahi wahine o ke kulana kiekie ke hoohaahaa iaia iho ma ka haawi ana aku i na hoomaikai ana iaia." "Auwe! aole ka ou makemake e ike ika Lede Hoborona! Oka poe apau i hoea mai nei i keia po, ua haawi pakahi mai lakou i ka lakou mau hoomaikai ana ia laua, a o oe hoi keia e hoole mai nei i ka'u noi aku ia oe' e hele aku e ike ia laua. He mea pono paha nou ka hookamaaina ana aku me keia Lede," a hawanawana mai la oia i kekahi mea ma ka pepeiao o Katarina. "O, e kuu makuahine no hoi, aole o'u manaoio i kau mea e hoike rhai nei ia'u i keia po," wahi a Katarina me ke pale ana aku i ka Lede Ara a kaawale mai iaia aku. "He oiaio ka'u mea.e hoike aku nei ia oe, no ka mea ua hoopauia ke kanalua no na mea'apau e pili ana i kela kaikamahine." "Alaila e olelo mai ana o keia wahi kaikamahine, ke keikl a kuu kaikunane i loaa mai mamuli o na hana hilahila a kona man makua ?" Ua hene malie iho la ka aka a ka Lede Ara, me ke kuhikuhi ana aku i ka nupepa e waiho mai ana maluna o ke pakaukau ma kekahi pauku hoi ana i makemake loa ai ia Katarina e nana iho, a ia Katarina e heluhelu ana i na mea i palapalaia, aia kona helehelen* ke loli la mai ka maikai ae a i ke kulana haikea, a hiki i kona ninau okoa ana aku i ka Lede Ara i ka pane ana aku: "Owai ka mea nana i hoopuka i keia hoolaha maloko o keia nupepa? Aole loa e hiki ia'u ke manaoio he pololei keia mau mea a kuu maka e ike nei," i hooho ae ai o Katarina me ka leo nui e lohe mai ai na mea apau maloko o kela keena. "Ke kaumaha loa nei au nou e Katarina. Ua manao au i kou hele ana a kanaka makua, ua loaa la ia oe ka noonoo kanaka makua, aka i ka'u nana aku me he mea la ua hiki ole ia oe ke manaoio i ka pololei, koe wale iho no kou paakiki ana ma na mea au i manao ai, malaila wale iho la no kou manao nui, me ka hoolohe ole mai i ka kekahi poe e hoike aku ai i hoopauia ae ai kou pohihihi. "O na huaolelo apau maloko o kela nupepa au o ka heluhelu ana iho la aole loa he hookahi o ia mau huaolelo i hoopunipuni mai ia oe, a i wahi e pau ai kou pohihihi, e hoolohe mai oe ia'u, a na'u maoli no e haha'i aku ia oe mai ka mua a hiki i ka pau ana. MOKU'NA XXXV. E hoomanawanui iki mai hoi ka poe heluhelu o keia moolelo, no ka mea i wahi e m'aikai ai, a e mohala ai na hoopohihihi ana no na mea a ka Lede Ara i makemake ai e kamailio aku imua o Katarina, he pono i ka mea kakau ke hoohuli aku ia oukou ihope i kela la a ka Lede Hoborona o ka ike hope ana ia Tina i ka waiho mai ilalo o ka pali me he mea la ua make. Aia na pohaku oioi ke wanaoa mai la ilalo a ka Lede Hoborona e ike la, a ina paha no ka hooku'i o Tina me kela mau pohaku, he mea maopopo loa e halawai ana oia me ka make e like me ka ka Lede Hoborona i manao loa ai ma kela manawa ana o ka ike ana aku i ka waiho mai o ke kino o Tina. He hookahi nae mea nana i hoopakele ae ia Tina mai ka make mai, o ia no ka hihiia ana o kela poe pohaleu e na nahelehele a ua kiekie kekahi o lakou he ekolu kapuai maluna ae o kela mau pohaku, a i ka wa o Tina i haule ai, ua lilo kela nahelehele i mea nana e pale ae i kona hooku'i ana aku me ka pohaku, a na kona piha maka'u maoli no kona kumu o ka waiho 1010 ana me ke anō pihoihoi. I kela manawa a ka Lede Hoborona o ka haalele ana aku ia Tina, a aole paha i piha iaia na minuke he umi-kumamalima o ia kaawale ana aku ona mai kela wahi mai, ua oili mai la he kaa ma kekahi aoao mai, a oiai he uakee kahi a kela kaa e holo mai la me ka waiho wale o kahi a Tina e moe nei, nolaila ua ikeia mai la oia e ka mea e noho ana iluna o ke kaa. He alanui kokoke loa keia a kela kaa o ka holo ana mai i ko Tina wahi e waiho ana, a ia kokoke loa ana mai o ke kaa e maopopo loa ai ke kino inake o ke kaikamahine opio, ua lele mai la ke kalaiwa ilalo, a hele mai la no ka makaikai ana ina paha ua make a i ole ua maule paha kela mea e moe mai la ma ka'e o ka pali. O keia kanaka e hele la e nana ia Tina, he mea pono no i ka poe heluhelu o keia moolelo ke hookamaaina e ia aku me ia, aole no nae oia he mea e ae, aka o La Poka no ia, kela kanaka e hoao mau ana ma na ano apau e lilo aku o Tina i wahine nana, a o ka manao no ia o keia huakai ana e hele nei i keia la, no ka hoomahuka ana ia Tina ina no ka loaa aku iaia ma Karifoda Home. Ia kiei ana aku a ua kanaka la a ike i ka helehelena o Tina, ua hele oia a kunahihi, me ka i ana iho iloko ona, i ke poho o kana huakai o ka hoea ana mai ma kela la. Haha iho la nae oia i ke kino o Tina, a ike iho la e mau ana no ka pumehana, a manao iho la oia aole i make keia kaikamahine, a. hoomaka iho la oia e hapai r eia nae he hana nui ia ana o ka waele ana aku.i ka nahelehele, oiai ua hihia aku a hihia mai ka nunuī 0 kekahi mau kowali i ke kiijo..o Tina, a o keia no hoi ka mea nana 1 hoopakele ae i ua kaikamahine nei mai ka make mai. Ia kaawale ana o Tina mai kela mau ka hihi mai o na kowalū ua hapai aku la o La Poka iaia a hiki i ke alanui o kona kaa e ku mai ana a noke iho la i ka nana ina paha ua loaa aku kekahi mau poino i ke kaikamahine opio. * Ke lolelole la oia i kona mau lima, aole he mau wahi o ka iwi f haki, pela no hoi me na wawae, a oki loa aku hoi kia loaa ana o kekahi mau manuhe'u ma kona helehelena, a iaia i hooholo iho ai i kona lima ma ka umauma, ua ike iho la oia i ka pana malie loa, a lamalama ae la na maka o ua kanaka nei me ka piha i ka hauoli, a o ia kana o ka hooho ana ae: "Ina aole i haalele mai ke ola iloko o kuu manu nunu, alaila e hiki mai ana ka manawa e hookoia ai kuu iini," alaila hapai hou ae la oia ia Tina iloko o kona mau lima, a hookau aku Ia iluna o ke kaa, me ka uhi ana a paa i ole ai e ikeia mai e kekahi mea e maalo ae ana ma ke alanui. Hoi hou aku la nae ua o La Poka no kahi ana o ka hapai ana mai ia Tina, no ka nana ana ina paha he mau mea kekahi o Tina i haule ma kela wahi ona o ka waiho ana, a he oiaio ua loaa aku la iaia ka papale ame kekahi mikinilima o ua o Tina, a lawe mai la keia i ole ai e hoomaopopoia kekahi mau moali no ko Tina wahi o ka nalowale ana. Ia hoi ana mai a La Poka a kiei aku maluna o Tina, aia no ua kaikamahine la ke moe malie la e like no me ia ana o ka haalele ana iho, a oiai he kiaha no kekahi oluna o kona kaa, ua holo aku la oia <• ukuhi i kai, a hoi mai la me ka hooma-u ana i na maka o Tina, a oia'" no hoi he omole waina kekahi e waiho ana iloko o ka holowaa, ua wehe ae la oia a hookomo iho la he mau kulu ma ka waha o Tina, a ia manawa i kaakaa ae ai ka maka o ua kaikamahine nei, a kau mai la i kekahi o kona mau lima iluna, me he mea la e papale mai ana i ke kanaka ana o ka ike ana mai. Ua hoomaopopo iho la o La Poka ua ikeia mai oia e Tina, nolaila ua hookaawale koke aku la oia ma kahi e a elike mau no me ke ano o na kanaka kolohe ka makaukau mau i na laau hoohiamoe, no ka mea o ia no kēkahi hana a La Poka o ka makemake ana e h'oohana aku ia Tina, nolaila ua unuhi ae la oia he wahi omole laau uuku a pa'ipa'i iho la me ka waina, a kauoha aku Ia ia Tina e inu. Aole no he nui o ka Tina mau mea hiki ke hoomanao iloko o kela manawa, aka i ka wa i pa aku ai o ke kiaha i kona lehelehe, o kona w inu aku la no ia a pau ka mea oloko o ke kiaha. (Aole i pati.)