Ka Nupepa Kuokoa, Volume XLVI, Number 36, 3 September 1909 — HOAA IA POE KEIKI I KUAHIWI Nalowale ke Alanui e Hiki Hou ai i ka Home-Hoea Nae i Kaneohe. [ARTICLE]

HOAA IA POE KEIKI I KUAHIWI

Nalowale ke Alanui e Hiki Hou ai i ka Home-Hoea Nae i Kaneohe.

Mamuli o ka hele ana i ke kuahiwi e huli palapalai ai, ua nalowale he eha>imau keiki Pukiki liilii ina.ka Poakahi nei, a ma o ka hoomanawanui ana nae i hoea aku ai lakou no Kanfeohe a hookipaia malaila © kekahi ohana a hiki i ko lakou loaa ana aku i ka poe huli ma kekahi Ja ae. Ile poe keiki liilii wale no keia, o ka-mea nui o lakou aia kona mau makahiki.ima kahi o ka uuii-kumamalua, a o kahi mea uuku loa hoi. he elima wale no ona mau makahiki. Ma ke kakahiaka o ka Poakahi nei i haalele iho ai lakou i ko lakou mau home, a pii aku la noluna o Tantalus (Puuohia) no ka liuli palapalai ana, a oiai e nanea loa ana lakou i ka pii no kuahiwi, ua nalowale iho la ia lakou ka alanui e maopopo ole ai ka lakou wahi e hele ana. Ua liele lakou a maluhiluhi me ka pololi pu, eia nae ke hoomau la no lakou i ka hele ana iloko o ka nahelehele a hiki i ko lakou hoomaopopo ana, aia ka lakou iloko o ke awawa o Nuuanu. Ika uhi ana mai oka po, ua lioomaka aku la lakou e iho ma ka aoao o ka pali o Nuuanu, a hiki i ko lakou hoea ana aku i Kaneohe, a kipa iloko o kekahi hale kamaaina, loaa ko lakou wahi e hiamoe ai ma ia po. Ke kali aku nei hoi ka ohana o kela poe keiki, a i ko lakou hoi ole ana mai no kauhale ma kela ahiahi, ua hoomaka koke ka huli ana, eia nae aole he mea i loaa ia lakou. Ua hoike okoaia mai ka nalowal* ana o kela mau keiki i ka oihana makai, a hoouna ia he elua mau makai noluna o Tantalus no ka huli ana ia lakou, aka ua hoi mai a elua me ka nele. Ma ka Poalua nei nae, ua hoomaka aku la ke kaikuaana o kela poe keiki e hēle huli maoli ia lakon, a i ka hiki ana i Kaneohe, ua hoikeia mai la iaia kahi»o ua poe pokii la ona i noho ai, a nana i hoihoi mai ia lakou imaa o na mnkua ame ka ohana.