Ka Nupepa Kuokoa, Volume XLVI, Number 36, 3 September 1909 — AOLE KA I UHIIA KE KIAAINA E KA OHU. [ARTICLE]

AOLE KA I UHIIA KE KIAAINA E KA OHU.

Ma ka manawa i ninauia aku ai o Kiaaina Frear ma ke kakahiaka o ka Poakahi nei ina paha he oiaio ka lohe i hoea mai, mai Kauai mai e pili ana no kona nalowale ana i ke kuahiwi ma o ka uhiia ana e ka oliu, tfa hoole mai oia, aohe he oiaio o ia lohe. He oiaio ua kali lakou i ke kuahiwi no ka hoea mai o kekahi poe kanaka Hawaii e kii ia lakou ma kekahi aoao piai o kahi a lakou e kali ana, a no ko lakou hoea ole mai, o ka hora ekolu ia o ka auwina la nolaila ua hooholo lakou, he oi ae ka huli hoi hou ana ihope mamua o ka onoa poo ana aku, oiai he uuku loa ka manawa i koe o ka la. Eia no ka kela poe ma kahl kokoke ia lako\i nei, e like me ia i hoikeia aku ia lakou mahope mai, e lohe aku ai no kekahi poe i ke kahea mai o kekahi, eia nae no ka 'maopopo ole, pela. i hoi hou ai lakou a no ka manao ana no hoi, e hala okoa ana he eono hora alaila hiki lakou ilalo o ka aina paa. Ma ka huli aku o Napali ka hapanui o ka poe makaikai o ka iho ana a hiki i Kalalau, a oiai nae lakou malaila iloko o kekahi ana nui ko lakou wahi i moe ai ma ka po, a ua hoea aku ka kekahi poe Hawaii ilaila ma kela po, me ka noke ana i ka himeni imtfa o lakou. Mai Kalalau aku lakon o ka holo ana no Honopu, a hiki i Milolii maluna o ka waapa, a i Mana, kau maluna o na lio, a malaila lakou o ka hoi ana a hiki i Kekaha leau ma na lio no Hanalei.