Ka Nupepa Kuokoa, Volume XLVI, Number 36, 3 September 1909 — Nuhou Kuwaho [ARTICLE]

Nuhou Kuwaho

MELLIA', Augate 26.—He hookahi kaukani koa o na Moors i make a he ekolu haneri wale no ma ka aoao o na Paniolo iloko o na ia ekolu o ka hakaka ana. THE HAGUE, Augate 27.—Ua lilo i mea hoopioloke i ka noonoo o ko Holani poe ka pulea ana ae o ka ma 'i Korela ma Rotterdam. Ua manaoia ua lawe maoliia mai kela ina'i mai St. Petersburg ae ka home o kela ma 'i. DOVER, Enelani, Augāte 28.—Ua hoao o Edward Heaton o Livapulu e au ma ke kowa Enelani ma ka la i nehinei, eia nae ua hoopau wale ia ia manao. MONTEREY, Mexico, 29. — Ua ikeia kekahi ua nui koikoi ma Mekiko nei a mmuli o ia kuaua koikoi ua nui na poho i hanaia me ka nui pu 0 na ola i poino. Pau ka hiki i na kaaahi ke holo no kanahiku-kumama-lua hora. Mamuli o ka waikahe ua lilo aku he 800 p.oe a pau i ka make. He umi-kumamalima leaukani poe i hooneleia i na home. Ua kohq waleia ua oi aku mamua o ka $12,000,000 ke poho ma na waiwai O ka halehana kila nui nona ka lilo he $3,000,000 ua lilo 'pu i ka wai. BĪ]RLIN, Augate 30.*~-Maanei ka Emepera Kelemania i ka wa i kuu mui ai ke Kauna Zeppelin mai koga moku ea mai i nehinei. ka Emepera i hoolauna ae i ke Kauna ia Orvill3 Wright. Nui ka ulumahiehie o na kanaka o ke kulanakauhale i ka wa i hooiho malie iho ai ke Kauna i kona mokuea, hookeke oluna o na pnka aniani ame na kaupaku hale i na kanalea 1 ka ua mea o ke akenui e ike i ka mokuea a ke Kauna. CITY OF MEXICO, Augate 31.—Hc $30,000 ka ka Peresidena Dias i haawi makana aku ai no ke kokua ana ika poe popilikia i ka waikahe ma Monterey. PARIS, Sept. 2,—Mahope o ka halawai ana me na pilikia ,he nui, ua hiki aku la ke Kauka Amerika Cook i ka welau akau ma ka Ja 21 o Aperila, 1908 e like me ka hoike i kakauinoa ponoi ia e ka mea huli i hoolahaia i nehinei ma ka New York Herald. Ma ka la 19 o Feberuari, ,1908, ua hoomaka aku la ke Kauka Cooke e hele i na mile hope he 700 a h&i i ka welau akau. E ukaliia ana, e na Eskimos r (ka lahui kanaka o ka akau loa) e lawe pu ana me lakou 103 mau ilio ame umi-kumamakahi moemoe. E hr»ike ana ke ana anu he 91 .degere malalo o ka 0. Ma ka la 8 o Malaki, hiki akii la ka huakai imi welau i ka mokupuni Hebert, a malaila haalele eono mau Eskimos a huli hoi i ko lakou : wahi. Me na Eskimos eha i koe, kanaha-ku-mama'ono ilio ame na lako ai e lawa ai no ewalu la ua hoomau loa aku la ke kauka i ka nee ana imua. O na mile 460 i koe aku ua heleia eia /me elua wale no Eskimos ame iwakalua- ' kumamaono ilio. O ke koena aku o ka huakai he ku i ka hoouluhua ame ka hoomaka'uka'u oiai ka hau ame ke anu e iniki ana he aueane hiki ole ke hoomanawanui, nui ke anu. E make mau ana na ili» mahope aku kekahi o kekahi a pau i ka aiia e na opu pololi e ola ana. Mahope iho o ia hele hoomanawanui ana hiki aku la lakou i ka Latitu Akau 90 degere. Aohe ikeia o ka lepo o ka hau wale no ma o a maanei e anapa ana me he aina nui daimana la. Ua hukiia ka hae i ka welau A- j kau, ma ka la 21 kela o Aperila, o ka 1908. Ma ka la 23 o Aperila, ua huli hoi mai la oia me kona mau wahi hoa i koe me ia. Aia o Kauka Cook ma. kona alahele e hiki ae ai i Kopenehegena a ua manaoia e hiki ae ana oia ilaila ma ka Poaono.