Ka Nupepa Kuokoa, Volume XLVI, Number 36, 3 Kepakemapa 1909 — KAKAUINOA O LUNAKANAWAI WOODRUFF I KA PALAPALA KUU KINO [ARTICLE]

KAKAUINOA O LUNAKANAWAI WOODRUFF I KA PALAPALA KUU KINO

Aohe Ho hoi he wa a pau kauna o ka hooikaika ana a Mrs. Atcherley imua o na luna aupuni i wahi e loaa ai ka hookuuia mai o kana kane mailoko mai 0 ka halepupule ma Kalaepohaku, ua loaa mai la iaia ka manaolana no ke kakauia ana o ka palapala hookuu kino e lunkanawai Amerika Woodruff ma ke kakahiaka o ka Poalua nei. Ua maopopo mua no i ke keena o ka Loio Kuhina kela keehina a Mrs. Atcherley o ka lawe ana ae, aka no ko lakou manao aia hoi a awakea ae ia manawa la e hoea aku ai oia ilaila, j>ela i hoea mua ole aku ai kekahi mea mai kela keena ae, no ke ku-e ana aku i ke kakauinoa ana mai o kela lunakanawai i kana palapala. Oiai nae ua loaa kekahi mau rula ana ma na hihia i hala ae mamua no ke kuleana ole o ka Aha Amerika 8 hokai wale mai ai me na hihia i kupono wale no i na aha o ke Teritore ke hoolohe, nolaila aole no i lilo i mea ano nui ke kakau ana ae o Woodruff i kona inoa malalo o kela palapala. Ma ka hihia o Marks iloko o kekahi manawa i hala ae nei, ua loaa mai ka aeia o ke noi a kona loio Mr. Davis no ka hoopuka ana mai i palapala hookuu kino, aka nae ma ka wa i hoolohe ia ai o kona hihia imua o Lunakanawai Dole, ua hoole ka aha i ka loaa ana he mana e hokai wale aku ai no me na aha o keia Teritore. Ua hoohalahala loaia nae kela hihia 1 ka Aha o na Hiliia Hoohalahala o Amcrika, a mamuli o ka makaukau ole ■o na oleloike, ua kiolaia mai kela hihia mai ia aha mai. Ma ka hihia o Morita Keizo i hoohalahala loaia ai imua o ka Aha Kiekie o Amerika Huipuia ma keia ala* hele hookahi no, ua hoole mai kela aha i ka lioolohe ana i ka hiha, ke ole e laweia aku ma ke alahele pololei.