Ka Nupepa Kuokoa, Volume XLVI, Number 36, 3 September 1909 — MAI LOAA KEKAHI ULIA POINO Pakele ke Kaaahi o na Malihini Mai Hookui. [ARTICLE]

MAI LOAA KEKAHI ULIA POINO

Pakele ke Kaaahi o na Malihini Mai Hookui.

Ma ka huakai makaikai a na Hoa o ka Ahaolelo Lahui o ka huli hoi ana mai no ke taona aei ma ka auwina la 0 ka Poakolu nei ; maluna o ke kaaahi kuikawa i hookaawaleia no lakou mai Leilehua mai, aohe wa a hooku'i me ke kaaahi o ka mahiko, ina paha ua loaa kekahi ulia ano nui e lilo ai ko lakou hauoli i mea ole. He maikai wale no ia hoi ana mai a lakou me ka loaa ole o kekahi ulia, aka 1 ka hookokoke ana mai nae i ka halo hoolulu ma Puuloa, o ka wa ia i ikeia aku ai o ka holo ana mai o ke kaa o ka mahiko me ka puahia nui, a oiai a helo mai ana kekahi alahao a a'e nmluna o kekahi, nolaila o ka mea maopopo loa ina aole e hoopaaia ana ka holo o kekahi o kela mau kaaahi, o ia no ka hooku'i ana o na kaa a elua. Ike e aku la nae ka wiliki o ke kaa o na hoa o ka Ahaolelo i kela pilikia, nolaila ua hoopaa koke oia i ka holo o kona kaa a ia manawa i kaawale aku ai ke kaa o ka mahiko, he hookahi walia no kapuai mawaena o na kaa a ellia. Ua oleloia ina i hoopaa like na kaa a elua i ko laua holo, ina ua hooku'i mai ke kaa o ka mahiko ine ke kaa ohua e kauia ana e na nialihini, aka o kahi no nae o ka laki, ua kaawale akn ka ulia mai kekahi aku o kela mau kaa.