Ka Nupepa Kuokoa, Volume XLVI, Number 36, 3 September 1909 — KANI KA AKA A KA PIKO PAUIOLE Aihueia he Kanakolu a oi Dala Maloko o ka Hale Holohau. [ARTICLE]

KANI KA AKA A KA PIKO PAUIOLE

Aihueia he Kanakolu a oi Dala Maloko o ka Hale Holohau.

Ma ka po o ka Poalua nei i hoea ae ai kekahi piko pau iole noloko o ka hale holohau, a mio aku la he ka-nakolu-kumamalima mau dala mailoko aku o ke kuka o John Aylett, oiai e kau ana ma ka paia, a e koheheo ana hoi ka mea nona ke kuka maluna o na kamaa holohau. o ko Mr. Aylett hele ana aku i ka holohau ma kela po, ua wehe ae la oia i kela mau dala inai kona lole wawae a hookomo aku la noloko o kona feuka, a kau aku la ma ka paia, eia nae iaia e nanea ana i ka holohau, a i kii aku ka hana i ua kuka nei ona, ua puehu aku la kaDa mau dala i kekahi iole nui huluhulu elua wawae. Ua hele koke aku oia e hoike no ka aihueia ana o kana mau dala i ka oihana makai, a ma kela po no i hoea aku ai o Makaikiu Uwila no ka hale holohau, me ka manao la hoi ua hoea hou aku ke kolohe ilaila ; eia nae aohe mea i loaa iaia, oiai aole paha hē hoonohonoho ana mai a ka mea kolohe, ua loaa aku la ka ia la mau dala he wehe ko ke Akule i ka hohonu. | Aohe no hoi he wa a o ka hala wale ae no ia o ka mahina o Augate me kekahi hihia aihue ole i ikeia iloko o ia mahina, loaa e kela mea nana i hapala ae la i ka mahina o Augate me kela hewa maikai ole.