Ka Nupepa Kuokoa, Volume XLVI, Number 35, 27 August 1909 — PUHIIA HE MOKU KALEPA KELEMANIA E KA MAKANI Kaualako Puia ka Heleuma Mai Kona Wahi o ke Ku ana Mawaho ae Nei o ka Nuku o ke Awa. [ARTICLE]

PUHIIA HE MOKU KALEPA KELEMANIA E KA MAKANI

Kaualako Puia ka Heleuma Mai Kona Wahi o ke Ku ana Mawaho ae Nei o ka Nuku o ke Awa.

Mamuli o ka ikaika o ka makani o ka pa ana iloko o keia mau la iho nei, ua kaualakoia aku ka heleuma o kekahi mokukalepa Kelemania nona ka inoa o Nordsee no ka moana kai uli kai hohonu ma ka Poakahi nei, mai kona wahi aku e mo-ku ana mawaho pono ae nei o ka nuku o ke awa. Aole e kala keia moku i Honolulu nei, ma kana kelepa o ka holo ana mai nei me kekahi piha ukana no keia awa, a ma ka Poakahi nei i laweia aku ai nowaho e kukulu ai a hiki i kona holo loa ana aku no kona wahi 0 ka holo ana mai nei. Oiai no nae ke kapena iuka nei o ka aina no ka hooponopono ana i kekahi mau mea ana i makemake ai e pau e i ka hanaia mamua o kona haalele ana ilio ia Honolulu nei, o ka wa ia i pa mai ai o kekahi makani ikaika mai ka aina nei aku, a kaualakoia aku la ka heleuma mai kahi aku i ku ai o ka moku. He mau luina kakaikahi wale no koluna o ka moku ia manawa, he poe keiki opiopio hoi e hiki ole ai ia lakou ke lawelawe i na hana oluna o ka moku e palekana ai mai ke puhiia ana o ka moku e ka makani. I Sa ike āna o ke kapena i ka pilikia o kona mokii, ua holo koke aku oia maluna o ka waapa mokuahi, a oiai aole he mea hiki iaia ke hana aku i wahi e hiki ai ka heleuma iluna o ka moku, a i ole ia hoihoi hou mai paha 1 ka moku no keia awa, ua hoouna okoa mai la oia i ka malamamoku me kekahi mau luina kakaikahi no ke kii ana mai i ka moku kolo Intrepid no ka holo ana aku e kokua i kona moku e kolo mai no ke awa nei. No ka oleloia ana aku nae he elua haneri dala ka uku no ke kokua ana aku a ka mokukolo, ua hoole mai la ke kapena o ka moku kalepa, a haa-

lele okoaia aku na lakou no e imi mai i wahi no lakou e pono ai. Ma ia po ana ibo, ua hoouna honia mai he waapa nouka nei o ka aina no ke kii ana mai i mau kokua, a ia liuli hoi ana aku a ka waapa, ua noke lakou i ka huli i ka moku, aole he loaa iki, a no ia kumu ua hoi hou mai la lakou no ka aina ma ka wanaao o ka Poalua nei. IJa hoomaka koke ka ohi ana i mau kanaka me ka.hookauia maluna o ka mokuea Mokolii, a holo aku la no ka huli ana i ka moku poino, a oiai nae ua mamao loa ka moku kalepa, nolaila e hala okoa ana he mau la a ka Mokolii e kolo mai ai iaia a komo i ko awa. Ua hoolimalimaia kela- poe kanaka 0 lea Mokolii ma kahi o ka eha kenikeni no ka hpra hookahi, a iloko o na la a lakou e hana ai <a hiki i ka pae maalahi ana mai o kela moku kalepa, e piha okoa ana he mau haneri dala ka lilo ma ka aoao o kela moku, 1 01 loa aku i ka huina i koiia aku ai e ka moku ko]o i ka wa e uuku ana no ka pilikia. He eono mau luina o kela moku kalepa i loaa ae i ka oihana makai a lawe loaia ae no ka halewai. Ho poe keia i mahuka me ka manao o kela puhiia ana o ko lakou moku o ka makani ma ka Poakahi ame ka Poalua ae, e holo loa ana la ua moku nei o lakou, a pela lakou i hoike okoa ae ai ia lakou iho mai ka lakou wahi 0 ka pee ana. He eha o kela mau luina mawaho o Daimana Hila kahi o ka pee ana, a 1 ka ike ana i ko lakou moku e holo ana, ua hoi mai la lakou no ke kulanakauhale nei, a na Makai Nawahi i lawe ae ia lakou no ka halewai. 0 kekahi mau luina elua ma Iwilei ko laua wahi o ka loaa ana aku o pee ana no, e kali ana no o ka liolo o ko lakou moku.