Ka Nupepa Kuokoa, Volume XLVI, Number 35, 27 ʻAukake 1909 — LELE MAI KE KAAUWILA AKU A EHA. [ARTICLE]
LELE MAI KE KAAUWILA AKU A EHA.
E like no hoi me ke ano mau o na Kepani ka pupuahulu i ka wa e lele aku ai mai ke kaauwila* aku, me ke kali ole a hiki i ke ku ana o ke kaa, pela ia wahine Kepani i halawai ae ai me ka pilikia ma ka hapalua o ka liora ehiku o Ka po Poakolu nei mawaena o na Alanui Alapai ame Beritania. Ua loaa aku oia e waiho ana i ke alanui, me ke kahe ana o ke koko, a mamuli o ka nui o ke koko i manaoia aku ai, ua nui ka pilikia i loaa aku iaia, aka nae ma ka nanaia ana maloko o ka halema'i, ua ikeia aole no i nui loa, a ua lapaauia mai no a hiki i kona hoi loa ana aku no kona home ma kela po.