Ka Nupepa Kuokoa, Volume XLVI, Number 35, 27 August 1909 — HALAWAI ME KA ULIA. [ARTICLE]
HALAWAI ME KA ULIA.
Maniuli o kekahi ulia, ua loaa i ka lunanui o ka hale holoi a hoomaemae lole, o ka Hui Hoomaemae Lole Honolulu, Charles A. Reynolds kekahi mau palapu ma kona lima ame ke kua, ma ke kakahiaka o ka Poakolu nei.
Oiai keia haole me kona kaa ma ka hale holoi o ke Sanitary Steam Laundry, a iaia i kaiīi aku ai noluna o ke kaa, ua hihia ae la ke kaula kaohi o ka lio, ma kekahi ano i maopopo ole iaia, a o ka wa no hoi ia o ka lio i holo aku ai, a haule aku la oia mamua o ke kaa me ka pii ana mai o na huila maluna ona.
Ua hoike kokeia mai ka lohe i ka oihana makai, a iloko no hoi o lia manawa pokole, ua hoea aku la ke kaa makai ma kahi o ke kanaka poino, a lawe loaia aku oia no ka Halema'i Moiwahine.