Ka Nupepa Kuokoa, Volume XLVI, Number 35, 27 ʻAukake 1909 — KOMO IA POE HAOLE I KA PILIKIA Hopuia ka Poe Kalewa Lole o Honolulu Nei ma ke Kalana o Hawaii. [ARTICLE]

KOMO IA POE HAOLE I KA PILIKIA

Hopuia ka Poe Kalewa Lole o Honolulu Nei ma ke Kalana o Hawaii.

Ua hookahaha a lioopihoihoi loaia ka poe kalepa o Honolulu nei mamuli o ka hoea ana mai o ka lono i keia kulanakauhale mai Hilo mai, no ka hopuia ana o kekahi poe haole kalewa lole o ka holo ana aku nei no Hilo mai na hui kalepa nunui o keia kulanakauhale. He hana maa mau no i na hale kalepa, ka hoouna ana i ko lakou mau kanaka ma na mokupuni mawaho aku nei o Oahu no ka ninau ana i ko na kuaaina poe i ka lakou mau waiwai i makemake ai, aka me ia maa no nae 0 lakou i ka hana inau, ua hopuia mai la kela mau kanaka no kia loaa ole ana ia lakou he mau laikini kalewa mai ke Kalana mai o Hawaii. Ua ala mai ka pilikia o kela poe, mamuīi o ka hoike ana o ka Hope Loio Kalana Carl S. Smith o Hawaii 1 kona manao kanawai, a waiho aku imua; o ka Puuku Kalana, me ka hoike ana he kuleana ko ke Kalana e o,hi mai i laikini mai ka poe 'mai e hele; ana e ninaninau a e huli i ka poe • na lakou e haawi mai i na kauoha no ka hoouna ana aku i mau ukana no ka lakou mau halekuai. Mamuli o kela manao kanawai, ua waiho aku ka Puuku o ke Kalana i ka hana iloko o ka linia o ka Hope Makai Nui Fetter, a nana hoi i lalau mai i na lima o ke aloha ole a lilo ke koikoi ame ka hanohano o kela poe haole kalewa lole i mea ole. Ua ku a hoaa maoli kela poe haole a hiki i ka olelo ana ae o kekahi e ili hftu ana ke koikoi maluna o keKalana d Hawaii no kela hopuia ana o lakou. I ka loaa ana mai o ka lono no ka" hopuia ana o kela poe haole i na halena lakou i hoouna aku i kela poe, ua waiho koke ae lakou i kona manao kanawai, a me ka hakalia. ole no hoi ua wehewehe ae la o Robcrtson i kona manao, e hoike ana, aole he pili o ke kanawai a ka Ahaolelo o ka hooholo ana ma ke kau i hala aku la, me ke ano hana a keia mau halekuai e hoouna nei i ko lakou mau kanaka ma na kuaaina. pu ae no hoi kekahi loio o Honolulu nei, i ke kahua ole o ka hana a na luna aupuni o Hawaii, ma o ka hopu ana i kela poe kalewa o na lialekuai o Honolulu nei. Mamuli nae o keia hana, me he mea la e ala mai ana kekahi ninau kanawai ma keia mua koke iho no ke kanawai hou a ka Ahaolelo o ka hooholo ana, ina paha ua pili ia i ke ano o ka hana a kela haole a ano e ae paha.