Ka Nupepa Kuokoa, Volume XLVI, Number 35, 27 August 1909 — LILO OLE I KIURE MAMULI O KA. HOOKOHU MAKAI. [ARTICLE]

LILO OLE I KIURE MAMULI O KA. HOOKOHU MAKAI.

Mamuli o ka palapala hookoim makai kauwai, oiai nae aohe oia i hopu wahi lawehala iki, ua hooleia mai kona kupono e noho i kiure iloko o ka Aha Amerika. 0 keia ka rula i wailioia mai e ka Lunakanawai Woodruff o ka Aha Amerika ma ka Poalima aku nei, i ka wa i waiho aka ai ka Loio S. F. Chillingworth i ke noi e hookuuia o James A. Ratfy, ka Lunahoohana Nui o ka Misiona o Palaipa, ka papa kiure akn i ka wa e noho ana ka hihia o Tsudoni, he wahi KepanL i hoopiiia no ka hewa moekolohe. Ua ninauia aku o Rath e ka Loio Chillingworth ina paha he oiaio ka lohe he komiBina maikai kauwai kona. Ua ae mai la o Bath, a pane mai la nae aohe maopopo iaia o kona mana malalo o ia palapala hookohu oiai aole oia i heluhelu iki i ka manao o ia palapala aole no hoi oia i hoao iki e hoohalna a e hopu i kekahi mea. Ua paio aku la o Chillingworth iaia malalo 0 ke kumu a hikl i kona lele ana mai ka papa kiuie mai, a hookuuia o Bath e ka aha. 0 ka hihia e hookolokoloia ana, he wahine ka i hooliloia mai kekahi kanaka a i kekahi, ma ke kuai, e like me- ka hana i maa mau i na Kepani. He Kepani okoa ka mea nana ka wahine a ua "kuaiia mai nae ia Hatsutaro Tsudoni no ke $50. Mamuli o ka manao o Tsudoni na lilo mai la kela wahine iaia ma ke kuai, na noho pu laua he kane a he wahine a oia iho la ke kumu o kona hoopiiia ana mai no* ka moekolohe. Ua hopu puia ka whhine eia nae ua hookuu houia oia a ua lilo i hoike ma ka aoao o ke aupuni e ku-e mai i kona haku hou.