Ka Nupepa Kuokoa, Volume XLVI, Number 35, 27 August 1909 — KUU KA LUHI O IA KAMAAINA. [ARTICLE]

KUU KA LUHI O IA KAMAAINA.

Ma ka hora 8 a. m. o ke kakahiaka o ka Poalima, la 6 o keia mahina i haalele mai ai i keia ola ana o Mrs. E. Kaauimaka Malumalu, o Nalua, Kau, Hawaii i ke 85 a oi o kona mau makahiki o ola ana. Ua loihi ka hoomailo ana a ka ma'i maluna o kona kino palupalu a na ka make i hoomaha iaia mai ia mau ehaeha apau. Oia kekahi o na kamaaina kahiko o keia Apana, a o Kainaoa, Kau, Hawaii kona onehanau, mai ia lana (k) ame Kalimalioloiole (w) kona mau luaui makua. Ua haalele iho oia he kane mare o Mr. P. M. Malumalu a ua hoohalaia e laua kekahi mau makahiki loihi he 40 a oi o ko laua noho ana ame ka ohana he lehulehu. Me kana kane mare mua me Mr. W. H. Keed ua hooikaika oia ma ka hoomakaulii ana i ke ano o ko laua noho ana, a hiki i ka lawa kupono ana e hoohana ai ia Kapapala i kula hanai holoholona nui. Uā poho wale ia hihi ana ona. He haipule maopopo ke ano o kona noho ana, he aloha i ka noho ana o ka home, hoomanawanui i na mea apau, he hookipa a he heahea i ka ohana, na makamaka ame na hoaloha apau, e kipa ana ma kona home. Aloha no! BOBERT I. REED. "Waiohinu, Kau.