Ka Nupepa Kuokoa, Volume XLVI, Number 35, 27 August 1909 — O MRS. SAEAI KAMAUOHA UA HALA. [ARTICLE]

O MRS. SAEAI KAMAUOHA UA HALA.

I ka nupepa Kuokoa, Aloha oe: E oluoln m&i kou Lunahoopoaopon e hookomo iho i ka Hoomanao Aloha a ka ohana no Mrs. SaTai Keaniahanaikalani Polenaona Kamauoha ma kahi kaawale o kona kino lahilahi, a nau ia e hoike ae i na kini lehuleliu. O Mrs. Sarai Keaniahanaikalani Polenaona Kamauoha ua haalele mai oia i keia ola ana, a hele aku la ma ke alahele mau o na mea apau, a waiho iho la ia makou ka ohana, na makamaka ame na hoaloha lehuiehu e kanikau ana nona me ka luuluu a kaumaha, ma ka hora 2 o ke kakahiaka Poakolu, Augate 11, 1909. He kino ola maikai no kona i na la mamua ae a hiki i kela po kamahao a ma na hor& koliuliu wale o ia po, oiai oia ma kahi moe ua kahea mai la me kahi ikaika i koe i kana kane aloha ame ka oliana e hoopunana ana | ma ka home ia wa, ua akoakoa ae la he poe kakaikahi, oiai aole he nui o j ka ohana ma ka home ia manawa. Pule i iho la oia oiai paha na minuke o ka, make c hookokoke mai ana, ua komo I pu aku la ka ohana ia manawa iloko , o ia haawina hookahi iloko o ka ilihia' anoano, mahope iho o keia ua hoohala ia he mau minuke' pokole ma ke kamailio oiai na waimaka aloha e helelei ana mamuli hoi o kona hoomanao" ana ae i na keiki i kaawale mai kona poli aloha aku 7 he kaikaina a he kaikuaana lioi e noho mamao ana. Ua moe iho la na maka o ka makua aloha iloko o ka maluhia a hookuu aku la i kona uhane e hele kohana ana ma ke ala i kona Makua Lani no ka hoomaha ana ina luhi ame ha luuluu o keia ola ana. Aole he leo auwe i loheia aku mai iaia mai e like me ka poe i kaa rna'i a loihi na la, aka, ua kii mai la kona Haku aloha iaia i ka po, oiai no ke ola kino maikai e hoalii ana maluna ona a lawe aku la iaia me he aihue la i ka po iloko o ka maluhia, me he mea la no e hiamoe ana no oia, he hiamoe hoi iloko o ka maha ame ka hauoli, aohe mea nana, i hoomama ae i na waim&ka i hookaheia nona, a he mea hiki ole i ko ke ao nei ke ha'i mai i ka nui o ke kaumaha luuluu i kau iho maluna o ka ohana no ka makuahine aloha o ka home i haalele mai, he heahea, he oluolu, he hookipa, he aloha, he kulana Krißtiano, he ike i ka nui ame ka liilii, ka hanohano ame ka haahaa, he hale kipa ia hoi e na alii hanau o ka aina. E hoomanao e na wahine Hawaii i ke kulana o keia pua a ka lahui e haaheo ai, a e hanohano ai hoi oukou e na wahine Hawaii ma ona la, kana mau hana, kona ano ame kona kulana. E noho alii auanei kq, hanohano ana i ! hiipoi ai ma kona umauma maluna iho 0 kana mau pua. Eia ka ka Palapala e hoike nei, "I mau ai ka hanohano maluna o ko oukou aina," ke loaa na makuahine Kristiano oiaio e like la me keia makuahine aloha i haalele mai. O kona hala ana aku lā ua waiho iho oia i kona mau ano maikai apau 1 mea e a'o mai ai ia kakou apau, e ku a e hoohalike me ia, ua komo kuliohonu aku kona mau ano maikai apau iloko o ka poe apau i maalo ae ma ka ipuka o kona home, i noho ia e keia makuahine puuwai hamama, heahea a oluolu. Mamuli o keia mau ano aloha oiaio iloko ona, pela iho la kona mau pokii kaikaina a kaikunane i kapa mau aku ai iaia he "Ma/ia Nui" a no ka mea ua lei keiki ia eia kona mau pokii, a pela n(T hoi me ka lakou mau pua aku. Ua hanauia o Mrs. Sarai Keaniohanaikalani Polenaona Kamauoha ma Honopueo, Kohala Akau mai ka puhaka mai o D. Kaleohaal«lu (k) ame Lepeka (w), i ka la 6 o Sepatemaba makahiki 1860. Ua hoonaauaoia oia ma na kula o ia au a hoounaia no ke kula kaikamahine o Waialua i ka makahiki 1868 ua loaa no iaia na hoonaauao kuponoia e like me ia i hoomaopopoia ma ke ano o kona noho home ana. Ua mareia oia ttie Geo. P. Kamauoha ma Puehuehu, Kohala Akau ma ka home o Mr. Keohokii na ka Rev. S. C. Luhiau laua i hipuu ma ka berita maemae o ka noho inare ana ma ka la 20 o Aperila, makahiki 1878, mai a laua mai na kaikamaliine ekolu e ola nei Mrs. W. O. Crowell o Waimea, *Kauai, Mass Sarah Kalehuama- ! kanoe Kamauoha, Miss Edith Leimomi Kamauoha, he ekolu moopuna e ola nei, mai ka puhaka mai o Mr. ame Mrs. Crowell o Kauai, me keia mau makana kiekie mai ka Makua Lani mai i hoo* pihaia aku ai kona hakahaka ma keia ola honua ana, nolaila ua waiho iho oia he mau keiki i hoopihia ma na ano maikai apau ana hoi i hiipoi ai i kona mau la o ke ola ana.

Ua kanuia kona kino lepo ma kahi e pili pu ana me ka home aoa i noho aloha ai iloko o kona ola ana, a hiki inai i keia la a ka ohana e hoomanao nei, na pua nani i hoonani ia ho ma kona he 0 kana mau keiki ame ka ohana, e hoike mai ana, aole wale no ka makuahine aloha i kanuia ma ka opu o ka honua, aka, ua oi loa aku kona kanuia ana iloko o ko makou puuwai. ke ola nei, ke maalo nei, a ke moe yu nei oia mc makou "E oi aku ana kona ola āna i keia wa i ko ka wa i hala." Ke haawi aku nei ka ohana o ka mea aloha i haalele mai i na hoomaikai nui i na makamaka ame na hoaloha apau i hiki mai a komo pu me makou i ke kumakena pu ana, a komo pu anu mai ma kana huakai hope loa i ka opu ana ole o ka honua. "E hoi ka lepo i ka lepo a o ka uhane i ka Mea nana kakou i hana." Nana no i haawi mai a Nana no e lawe aku, e hoomaikai ia Kona Inoa. O makou iho no īue ka luuluu, NA KA OHANA.