Ka Nupepa Kuokoa, Volume XLVI, Number 35, 27 August 1909 — HE AHA HULAHULA KA NA KAMEHAMEHA. [ARTICLE]

HE AHA HULAHULA KA NA KAMEHAMEHA.

No ke ake ana e loaa he waihona no ka hoonaauao ana aku i kekahi man opio Hawaii ihaloko o na Kula Kamehameha o na keikikane, ua lawe ae ka Ahahui Kamehameha o na keiki i puka mai ke kula mai i na koikoi o ka uku ana aku no ko lakou hoonaauaoia, a o ka haawi ana he āha hulahula kekahi alahele i manaoia, he mea ia e kokua mai ai i kela waihona. Ma ka hapalua jtka hora ehiku o ka po o ka Poaouo <T keia pule ae, ka la 4 o Sepatemaba e haawiia ai he aha hulahula no kela waihona maloko o ke K. P. Holo, a ma na mea e loheloheia mai nei, he nui ka poe e kuai nei i na tikiki, no kela aha hulahula. . Oiai he nui na haumana o Kamehameha e noho nei maloko o keia kulanakauhale, a he nui no hoi ka poe i makemake no keia*hana i hoalaia ae, me he mea la i ka nana aku, aole no e nele ana ka piha o kela aha hulahula. Na ka hui himeni Kawaihau malalo o ke alakai ana a Sam. Nainoa, kekahi o na kalapu himeni kaulana o ke kulanakauhale nei e hookani mai ana i na mele hulahula ma ia po. Ēia na likiki ma ka lima o na haumana, ame na lala o kela ahahui, he hapalua ko ke tikiki hookahi, ua like me hookahi dala no ke keonimana ame ka lede.