Ka Nupepa Kuokoa, Volume XLVI, Number 34, 20 August 1909 — MAHALOIA KA MOKU LELE A KEKAHI KEPANI. [ARTICLE]

MAHALOIA KA MOKU LELE A KEKAHI KEPANI.

He keu no hoi o na haole wale no ka poe akamni i ka hana ana a ]oaa na moku lele iiuna o ka lewa, eia no ka o na kepani no kekalii, a ua ikeia ka holopono o ka moku lele i hanaia mai nei e Mr. īnasaku Ucliida, a ke nanaia aku nei e ko ke ao nei poe laeula ma ia hana me ka piha i ka hialaai. Ua oleloia, aia he ekolu mau meahana i loaa ole i kekahi poe hana moku lele eia nae ua loaa i kela Kepani. o ka mua he meahana e hiki ai ke hoemi a ke hoomahuahua aku i ka mama lele o kona moku, o ka lua he mikini i like kona ano me ke pilina (spring), a o ke kolu he mikini no ka hookele ana i ka moku lele. I ka hookomo ana i keia mau mikini apau ekolu i ka moku lele, aole loa he hopohopo ana no kana mau wahi e lele ai, a ua hiki ke lele me ka nana ole i ka ikaika o ka makani, a i ka wa hoi e haule iho ai ilalo, aole no e poino oiai aia kela pilina, nana e hoopilikia ole akn i ua moku lele la? Ua olelo puia loa i ka mokulele i loaa i kela Kepani ke hoopoino a hoopilikia aku i na moku lele e ae ina e makemakeia ana e ,hana pela ke hiki mai i ka wa kaua, oiai aia he mau maka pahi i hoopaaig. i kela moku, e hiki ai ke uhae-kii aku i na moki< 0 ka enemi. Oiaī he makana kekahi i haawiia ae 1 ka mea e ikeia ana ka oi ana ae o kana moku lele imua o kekahi, nolaila ke manaoia mai nei e ko ke ao nei, e lilo aku ana kela makana i keia Kepani kaulana o lapana nana,i imi mai nei a loaa kana moku lele.

Ua noi ae nei ka Hui Mokuahi Laweleka o ka Pakipika i ke aupuni e hoololiia na kanawai e pili ana i ka opiuma, a e aeia aku e hoololi ka hoouna ana mai kekahi awa aku o Amerika no kekahi awa kumoku ma Mekiko a i ole ma Amerika Hema.