Ka Nupepa Kuokoa, Volume XLVI, Number 33, 13 August 1909 — E HOPUIA AKU ANA IA KAUKA LAPAAU [ARTICLE]

E HOPUIA AKU ANA IA KAUKA LAPAAU

Mamuli o ka hoomaopopo ana o ka Ahahui o na Kauka Lapaau, eia kekahi haole nona ka inoa o Kauka Schur mann ke lawelawe mai nei i ka oihana kauka me ka loaa ole iaia o ka lainolaila ua waiho okoa ae nei lakou i ka hoohalahala i na luna aupuni o ke Teritore a pela-pu hoi i ko ke Kalana, me ko Jakou % makemake e hopuia aku kela haole no ke ku-e ana i ke kanawai o ke Teritore. Ke olelo nei lakou °he mea haawi laau wale no keia haole, aole he haumana i hemo mai kekahi kula a'o kauka mai, oiai aole he mau hoailona o ia ano e liau ana. ma kona keena, a pela lakou i makemake ai e lawe mai i keia haole ma ke ajao e hoao aku i ke kanawai a ka Ahaolelo o ka hooholo koke ana iho nei. Ua hoike ae nae ka Hope Loio Kalana Milverton ma ka auwina la o ka Poakahi nei, aole he palapala hopu i hoopukaia no ka hopu ana aku i kela haole i keia manawa, eia nae he manaoio kona e hiki mai ana no i ka wa e hoopuka maoliia aku ai he palapala hnpu nona, oiai o Kauka Judd ka mea i waiho aku i na hoohalahala ana no keia haole ma ka aoao o ka Ahahui o na Kauka Lapaau. E like ae- la me. na kumu hoohalahala no keia haole, eia ka * hoi oia ke hoolaha nei ma ke ano he kauka lapaau oia, a oiai ua papa loa ke kanawai hou i hooholoia ai i ka hoolaha ana ae o kekahi mea no kona haawi ana aku i ka laau me ka loaa mua ole -iaia o ka laikini e hana pela, a oki loa aku hoi kon«T hoolaha okoa ana ae he kauka lapaau oia.