Ka Nupepa Kuokoa, Volume XLVI, Number 33, 13 ʻAukake 1909 — KEKAHI O NA HOOLEWA NUI I IKE A MA HONOLULU [ARTICLE]

KEKAHI O NA HOOLEWA NUI I IKE A MA HONOLULU

O ka hoolewa o George Namokueha, kekahi o na makai ku huina o keia kulanakauhale, a he lala hoi no ka Ahahui Oiwi o na kane, a pela hoi me ka Ahahui Poola o keia kulanakauhale, i make ai ma ka Poalima o ka pule i hala, ua hookoia ia ma ka hora elua o ke Sabati nei, no ka lawe ana aku i kona kino waiīua a waiho ma ka ilina ma ka pa halepule o Kaumakapili. 0 kekahi ia o na hoolewa nui i ikeia maloko o keia kulanakauhale. Ua komo na ahahui Oiwi elua, ko na kane ame ko na kaikuahine, ka Ahahui o na Poola, na kane ame na wahine, kekahi mau makai ku huina o nakauhale, ame kekahi mau lala o ka Ahahui Opiopio o Kaumakapili ana i komo pu ai, a mawaho ae o na ahahui na makamaka o ka mea i make. 1 ka hiki pono ana ae i ka hora elua auwina la, ua hōomaka ke ka'i ana o ka huakai e alakai ia ana e ka 6ana Hawaii mamua mai ka nale ku-

papau aku o Silva, a mahope aku o ka! bana na lala o ka Ahahui C. E. o Kaumakapili, na kaikuahine aku o ka Hui Oiwi, na kane aku o ka Hui Oiwi, na wahine mai o ka Hui Poola, na kane mai o ka Hui Poola, ke Kaa Kupapau me ka puali makai ma na aoao, a mahope loa o ka huakai, na kaa o ka ohana i hiki aku ka huina i ka aneane i ka umi. Aole i ike ponoia ka mp o ka huakai, aka i\ ke kau ana iluna o Leleo i ka huli ana mai a nana ihope a nana aku imua, ua ikeia ka nui maoli, aia ka makamua o ka huakai i ke kihi o ke alanui Liliha me Moi, a o ka hope, mawaho iho o ka makekei kuai, i'a, He la laelae kela, me kahi- oaniani makai liilii loa, nee iho ka la kanonono he mea ole nae ia i na lala o na ahahui apau, oiai ua paa ka manao malalo o na rula e ukali pu i ko lakou hoahanau ma kana huakai hope loa no kona ilina. TJa hapaiia ae ka pahu kupapau a loko o ka Halepule o Kaumakapili i ka wa i hiki ai ilaila a malaila i haawi mai ai ka Makua Lono i na olelo hoalohaloha a kanaenae no ke kino o Namokueha e pakuiia ana e na leo himeni eehia mai ka papa himeni mai o Kaumakapili ame ka leo pule mai ka Makua Lono mai, a o ka loa o na hana ma ka lua kupapau a hookuuia na hana me ka eehia.