Ka Nupepa Kuokoa, Volume XLVI, Number 33, 13 ʻAukake 1909 — NALOWALE IA MAU KANAKA LAWAI'A I KA MOANA [ARTICLE]

NALOWALE IA MAU KANAKA LAWAI'A I KA MOANA

HILO TRIBUNE.—He elua mau kanaka Hawaii kamaaina no laua na inoa o KaiUanu ame Nakahina mai Waiakea ae i nalowale a hiki i keia manawa mai ka 1 a 25 mai o lulai aku neii. O ka manawa hope loa 0 ko laua ikeia ana, o ia ka wa e puhiia ana e kekahi makani ikaika ma na kapakai o Puna, a ua loaa na kumu maikai loa e manaoia ai ua piholo mao!i laua i ka moana. O keia mau kanaka elua kekahi heiuna o ka poe' eha o ka holo ana aku 5 ka lawai 'a ma kahi kokoke i Kapoho. Maluna o ka waapa maoli 0 Kailianu ame Nakahina, a ma ka waapa Kepani hoi ko laua mau hoa lawaia. Ma ka la Sabati, ua ikeia no lakou e lawai'a ana ma Kapoho, a ma ka auwina la, ua kiola aku la kela mau kanaka Hawaii 0 ka nalowale ana aku i na ukana apau oluna, o ko laua waapa maluna 0 ka waapa Kepani, koe nae ka omole wai. Ma ia po ana iho, ua ike aku no ka

poe oluna o ka waapa Kepani i ka a inai o ke kukui i maa ia lakou i ka lio-a ana i ka wa e lawai'a ai, a ia manawa i pa mai ai ka makani ikaika nana i hoopilikia i na waapa a elua. I mea nae e loaa ai ka palekana ia lakou, ua okiia iho la ka heleuma mai ka Waapa Kepani aku, eia nae iloko o. ia makani, ua haki iho la ko lakou hoe lala, a mamuli wale no 9 -ke kokua ana a ka pe'a iliu, pela i loaa ole ai ia fekou ka poino nui. E puhiia ana ka waapa me na kanaka elua oluna ma ka huli o Hilo, oiai hoi ka e puhiia ana he wahi okoa, a mamuli wale no o ka haki ana 0 ka hoe lala 0 ka waapa Kepani, pela wale no i hiki ole ai i kela poe ke hele mai e kokua ia Kailianu ame Nakahina. Ma ka manawa a ka poe oluna 0 ka waapa Kepani 0 ka ike hope ana i ko lakou mau hoa, e hakoko maoli ana no laua mē kela jno, a ma ko lakou manaoio, aole e lanakila kela waapa 0 laua maluna 0 ka makani.