Ka Nupepa Kuokoa, Volume XLVI, Number 33, 13 ʻAukake 1909 — HAALELE MAI O MRS. KAIKIO EWA ELENA. [ARTICLE]

HAALELE MAI O MRS. KAIKIO EWA ELENA.

Ma ka hora umi-kumamakahi o ka Poaono i hala i haalele mai ai o Mrs. Ane Kaikioewa Elena i keia ola ana mahope iho o ke kaa ma'i ana no kekahi manawa pokole. Ua hala aku no o Kapena Elena maluna o ka Mauna Loa no na Kona ame Kau ma ka Poalua o ka pule aku ,nei i halā me ka haalele ana iho iaia me ka ma'i ole, aka o ke kino wailua nae o kana wahine kana i ike ma ka huli hoi ana mai a ka Mauna Loa ma ka Poalua nei. O Koloa, Kauai ke one hanau o Kaikioewa, he .kaikamahine papa no ka Uanoe o Koloa, a oia hoi kekahi o na kaukaualii, oiai he kaikamahine ponoi oia na Lilikalani ame Hana Ululani, a ua piha iaia na makahiki he kanaha-kumamalima a make wale aku la oia ma kon home mauka ae nei o Palama. Iloko o kona mau la opio, ua hoonaauaoia oia ma na kula apana o Koloa, a iloko o ka makahiki 1867 i komo mai ai oia ma ke Kula Hanai o Kawaiahao i ke au e noho kumuia ana e Rev. Binamu ame kona makuahine, a he hoakula hoi oia no ke Kamaliiwa-. hine Miriam Likelike ame Mrs. Lily Auld. He eko.lu manawa i mare ai oia i ke kane, a o Kapena Elena kana kane o ka noho ana a hiki i kona haalele ana mai la i keia ola ana. Ua mare inua oia me Sam Ulumahiehie Maikai he keiki na ka' Moiwahine Kapiolani, a mai ko laua puhaka i loaa mai ai he kaikamahine o Helina Kawaioka : lāni. 0 kana kane elua mai, oia o C. Hoa Ulukou he mea pili i ka Haku o Hawaii, a o Elena no hoi kana kane hope loa. Ma ka auwina la o ka Poakolu nei i malamaia ai kona anaina hoolewa a hoomoeia aku ma kahi mau o na īnea apau.