Ka Nupepa Kuokoa, Volume XLVI, Number 33, 13 ʻAukake 1909 — KA AINA I HAAWIIA MAI E W. G. IRWIN. [ARTICLE]

KA AINA I HAAWIIA MAI E W. G. IRWIN.

Ua haawi makanaia a'e e W. G. Irwia kekahi apana aina ona e pili kokoke ana i ka Paka ,o Kapiolani no ka hoolaula ana ae ia paka nona ka nui mai ka umi-kumamalua a i ka umi-kuma-malima eka a nona hoi ka waiwaiio i hiki aku i ke $20,000 no ke Teritore. Ma ka Poakahi i hala ka hoike ana ae o W. Cr. Irwin i ke Kiaaina i kela manao me kona hoike pu ana ae ua makalikau oia e kakauinoa i ka palapaU kuai no kela apana aina e hoolilo loa ana no ke Teritore. Aia kela apana aina mawaena o ns alanui o Kapahulu ame Leahi, a aia maluna o kela apana aina he kanakolukumamaono mau apana pahale i pau i ka hoomakaukauia no ka laweia i mau kahuahale, a he wahi apana ololi kekahi e holo pili ana ia mau apana a hiki i kahi i hui ai na apana pahale me na alanui elua. 0 ka manao nui no o kela haawl makana ana i kumu e laula loa-aku ai ka Paka Kapiolani me ka hoomahuahua pu i kona waiwaiio ame kona pomai--kai. Aia ma ka aoao hikina o kela apana aina he ekolu mau apana pahale i onaia e ka Campbell state, a ke manaolana nei no ke aupuni e lilo mai ana no ia wahi ma ke kuai. Ke eliia nei na pohaku, ka lepo ame na papaakea maluna o kela mau apana i mea hana no na alanui, a ina e lilo io ae ana i ke aupuni e hoopauia ana kela kii wale ana ia mau mea mai kela aina mai. O ka hauwawa e olelo ana e komo ana o Amerika e kokua ma kela haunaele ma Honduras, ua hooleia ka oiaio o ia lono ma Wakinekona.