Ka Nupepa Kuokoa, Volume XLVI, Number 33, 13 ʻAukake 1909 — E HOOKOHU IA AKU ANA I LUNALEKA HOU. [ARTICLE]
E HOOKOHU IA AKU ANA I LUNALEKA HOU.
O ka lono e hauwawaia nei i keia mau la, he mau Ja pokole koe e hookohu ae ana ka Lunaleka Nui Pratt i kokua Lunaleka. Ma ka hoike i loaa mai ua lo'aa no ka kana kanaka ma ia wahi. I kona manawa i ninauia aku ai ma kekahi mau la aku nei ina paha he mea oiaio ua loaa kana kanaka ma ia wahi, o kana pane ua lawe oia i ka inoa o ke kanaka ana i manao ai ma ia wahi a noonoo, aka aole nae oia i hooholo loa i kona manao no ia kanaka. Ua hoole mai oia i ka hoike koke ana ae i ka inoa o ia kanaka e hookohuia ana. He oihana ano nui no keia e manao nui ia nei, a he lehulehu wale o na kanaka o keia kulanakauhale e alualu nei no ia kulana ina e hoike maopopo loaia ae ana ia mea, no ka mea owai hoi auanei ka mea makemake ole e hana no ke aupuni, oiai he kumulaau ohia hua nui no ia e makalehoia nei e kekahi poe.