Ka Nupepa Kuokoa, Volume XLVI, Number 33, 13 ʻAukake 1909 — HOOKAAWALEIA HE ELUA MAU LA NO HAWAII MA KAHI HOIKEIKE. [ARTICLE]

HOOKAAWALEIA HE ELUA MAU LA NO HAWAII MA KAHI HOIKEIKE.

O na la iwakalua-kumamaha ame i-wakalua-kumamalima o ka mahina o Augate nei na Ia i hookaawaleia no Hawaii nei e hoolaulea ai a e hookipa ai i ka poe makaikai ma ke kahua o na hana hoikeike e malamaia mai Ia ma Seattlc. O na mea e hoolalaia mai la e ko' Hawaii nei poe ma Seattlej o ia no ka wehe ana he aha ike akea mai ka hora ekolu a hiki i ka hōra eono o ke ahiahi o ka la mua maloko o ka hale Oihana Wakinekonp., a ma ia ahiahi iho e haawiia ai he aha hulahula nui. Ma ia aha ike e komo ai ko Hawaii nei poe apau e kokua like ma ka hookipa ana ame ka hoolauna ana uie ka poe e konoia ana no ia aha, oiai hoi ka hui himeni pila a E. Kaai e hoonanea aku ana i ka lehulehu me na mele kuli'u, e nele ole ai ka hoohihi 0 na malihini apuni ke ao nei i hoea ae ma kahi hoikeike. Ma ka Ia elua mai, he la ia i wehe akeaia no kela ame keia e ae ai e ike i na mea apau o Hawaii nei, a ma ia la'pu hoi e hoolawaia aku ai he mau kaukani o ka poe makaikai me na pilii i kauia me ka huaolelo aloha. Iloko o i'a manawa hookahi e kuupau aku ai ka hui himeni a E. Kaai i ka hookani ana i na mele Hawaii ame na mele Amerika, me ka puunaue ana hoi 1 ka maia e like me ka nui e loaa aku ana ia lakou iloko o ia. manawa. Mawaho ae o kela mau mea i hoolalaia, ua manao pu o Komisina Knudsen e haawi aku i kekahi aha hoolaulea i na lunanui apau na lakou e malama nei i na hana hoikeike ma Seattle. - O ka iini nui o ka poe na lakou e malama mai la na hana hoikeike o' Hawaii nei ma Seattle, o ia no ko Kiaaina Frear hoea ana aku ilaila iloko o ia manawa, no ke komo pu ana aku ma na hana hookipa i na malihini, a ma ia ano e hooi loaia alku ai ka hanohano o na hana hookipa ma ka aoao o Hawaii nei.