Ka Nupepa Kuokoa, Volume XLVI, Number 32, 6 ʻAukake 1909 — PUPU KE KAI O KE ALALAUWA IA JOE LEAL. [ARTICLE]

PUPU KE KAI O KE ALALAUWA IA JOE LEAL.

He elua mau kanaka i hiki mai ia nei mai Amerika mai, no laua na inoa 0 John Alameda ame MaeKinnon, a ua hoopiiia laua no ke komo aihue ana iloko o ka rumi o kekahi Pukiki maloko o ka Hokele Popular a laweia e laua mailoko mai o kela rumi he elua mau pu panapana a no ia hewa ua hoopaaia laua iloko o ka halewai ma ke ano hoohuoi. E hoololiia ana keia hoopii ma ke kumu hoopii okoa he aihue me ke komo hale, pela ka mea maopopo loa i ka nana aku. Ua hopuia keia mau kanaka e ka Makaikiu Joe Leal a lilo pu mai iaia na pu panapana. Aole oia e waiho koke ana i ko laua kumu hoopii imua o ka aha a hiki i ka maopopo mua ana iaia o ko laua mau moolelo, eia nae, ua manao ia he mau kanaka kolohe no laua. Ua hiki mai keia mau kanaka ianei he manawa pokole wale ae nei no i hala mai Amerika mai, a ua oleloia mai ua mahuka mai ka laua mai Bosetona mai. Ma ka manao o ka Makaikiu Leal e hoolala ana laua no kekahi hana karaima i ko laua wa i ikeia ae nei, a. he manao pu no kona ua makemake loaia kela mau kanaka e hoihoi hou 1 Amerika. Komo hou o Charles Sheldon iloko o j ka pilikia, ke kanaka nana i h'oopii j ia Joe Leal no ka hahau ana iaia me ka pauku laau. Ua ikeia oia ma ke Alanui Yinia e hoao ana e aihue i ka niu e like me ka hoike a ka makai. He lehulehu kekahi poe e ae me ia i hana pu i kela aihue, eia nae, ua pau loa lakou i ka holo, aohe i paa i ka makai.