Ka Nupepa Kuokoa, Volume XLVI, Number 32, 6 August 1909 — E PAKELE ANA PAHA AUANEI [ARTICLE]

E PAKELE ANA PAHA AUANEI

Maniuli o ka loihi loa o ka manawa 0 ka mahuka ana o kela Kepani noua ka inoa o Fujihara i ahewaia ai no ka pepehikanaka ma Hilo, a i paa hou ni 1 ka hopuia e like me ia i hoikeia uku ui ma ke Kuokoa nei iloko o kekahi mau pule ae nei i hala, nolaila eia ke manaoia aku nei, e hoea mai ana paha ka manawa no ka hoololiia ae o kona hoopa 'i. He mau makahiki loihi maoli kela o kona nalowale -honua ana me ka manaoia eia la oia i kekahi aina okoa aku kahi i noho al, a ma ia ano, eia ke keena o ka Loio Kuhina ke noii pono mai nei i na mea apau e pili ana i kona hihia. Ua makē kela lunapaahao a Fujihara o ka hoike ana ae no kona kipe ana i umi kaukani dala, a ua poina no hoi i ka nui o na hoike o kela hihia na mea oiaio e pili ana i kela hihia. O ka hana e manaoia aku nei o ia no ko ke Kiaaina kakau hou ana mai he palapala make no kela Kepani, ?ika aia no nae he mau manaolana no kona hiki ke hoopakeleia ae mai ka amana likanaka mai ina e hoala houia mai ana na mea e pili ana i kona hihia pepehikanaka. Eia kela Kepani ke paa mai nei nr.aloko o Kawa i keia manawa, eia nae mamuli o ka loihi loa o kela mau makahiki o kona noho ana i ke kuahiwi me ka ai ana i na huaai e loaa aku ana iaia, ua lilo oia i kanaka kino ikaika, me ka loaa pu hoi iaia o ke ola kino maikai i oi loa aku i ko ka poe e ai nei me na meaai i maa ia lakou.