Ka Nupepa Kuokoa, Volume XLVI, Number 32, 6 August 1909 — KUU KAIKUAANA ALOHA UA HALA. [ARTICLE]

KUU KAIKUAANA ALOHA UA HALA.

Mr. Lunahooponopono, Aloha oe: E oluolu mai kou ahonui i kekahi wahi kowa o ka kakou ahailono i kela poomanao e kau ae la maluna e hookomo iho i ike īnai ai na ohana ame na kini makamaka o kuu haku kaikuaana i aloha nuiia Mrs. Mary Kuipua Kalua* iwaioahukini Aehi, i haalele mai i keia ao, ma ka la 2 o keia mahina, ma ko laua home aloha ma Palama, Honolulu, a hoi aku la ma ka poli aloha o ka Makua L»ani. Me ka naau mokumokuahua, kaumaha, luuluu, a ehaeha no kona haalele ana mai ia makou na pokii, na makua, na kaikunane, na lei aloha i hoonele ia i ka mama, ke kane i hoonele ia i kana mea aloha he wahine, ame ka ohana lehulehu, a hele aku la ma ka aoao mau o ka honua, oiai, aole o kakou kulanakauhale e mau ana maanei. Ua hala oia me ko makou ike ole i kona kino wailua, oiai, ua okiia e ke kai nui kaawale makou. Ua hanauia kuu kaikuaana aloha ma Haleloke home, Kainaliu, Kona Akau, Hawaii, mai ka puhaka mai o ko makou mau makua aloha Mr. G. 8. Keliihoomainoinoiaikailua Kaumualii, ame Mrs. Kaaialii Kelii i ka la 27 o Deke*maba, A. D. 1806. Ua piha iaia na makahiki he 42 a oi o ka hanu ana i na ea huihui o keia ola aaa, a haalele mai la ia makou e noho u me ke kanikau nui nona me ka minaminapau oU iaia. I kona mau la opio, ua hoonaauao la no ma ke kula Hawaii a R. H. Makahalupa, a ma ke kula olelo Beritania a Mrs. Sunter ma Popopiia. I ka piha ana o kona mau makahiki i ka iwakalua (20) ua hoohuiia oia in* ka berita laahia o ka mare me Mr. George Robinson e ka Rev. S. W. Makaike. A mamuli o ka hana pono ole a ia kane, ua oki ia a kaawale. Mare hou i ke kane ia Mr. W. C. Aehi, a na ka make i hookaawale ae la i ko lana pili aloha ana. Moku ae la ke kaula gula maemae o ko laua berita mare, Ko ae la no ka olelo a ka Buke Nui, he mahu ke ola o ke kanaka i pu-a ae a nalo aku. E hoonaniia kona Inoa no ka mea Nana no i haawi mai, a Nana no i lawe aku. He elua no hua i puka mai mai kona puhaka he kaikamahine, a he keikikane. He hookalii imua o kona alo a ike iho Ja i ka hanu hope o ko laua mama aloha; a o ka lua eia no me na kupuna. He liaumana holomua oia iloko o ke Kula Sabati o Kona-waena, a he hoahanau no ka Ekalesia o Kona-waena. 0 kona hala ana aku la, ua hakahaka iho la kona makalua iloko o ka Ekalesia. Aloha nol He "wahine puuwai hamama, heahea, a hookipa i na mea apau e kipa aku ana ma ko laua home. He mea nui makou na pokii iaia, a ua lei keiki ia no makou e ia. He aloha maleua, he malama ohana mai ke kiekie a ka haahaa. He ai leo ole, a he i'a leo ole ma na mea apau. Oia mau hana aloha poina ole a kuu hanau mua, he kia hoomanao poina ole ia i kuni paa ia iloko lilo o ko makou mau puuwai a hiki mai ko aloha, e uwe no au. E ka luhi lei a makou Miss Eebecca Kaliaulielani Aehi, ame ke kane i.hooneleia i ka hoapili he wahine me olua ka welina pau o(3e a ke aloha, oiai o olua iho la no ka i kiiohi hope iho la 1 ke kino puanuanu o lea kakou mea aloha a nalo aku la iio ka wa mau loa. E ka hiwahiwa a ka makua, ame ka lei a-i i lei kapukapu ia e ke kupuna; o ia lei nani, —ua mae no ka "wa pau »le. E kali ana i ka pu a ka Anela no ke ku ana aku imua o ke alo ihiihi o ke Keikihipa i ka la hookolokoīo nui e hiki mai ana. , Me ke kaumaha luuluu, MRS. R. A. KAUHAIHAO. Ilolualoa, lulai 20, 1909.