Ka Nupepa Kuokoa, Volume XLVI, Number 32, 6 ʻAukake 1909 — HE MAU RULA KUPONO NO NA KAA OTOMOBILE. [ARTICLE]

HE MAU RULA KUPONO NO NA KAA OTOMOBILE.

Mawaho ae o na kanawai i kakauia maloko o na buke e kaupalena ana i ka mama liolo o na kaa otomobile, na kaa e ike mauia nei ka loaa ana o na ulia, he mea pono no i na keonimana ame ka poe no apan e hooholo ana i keia ano kaa e hoomanao aia pu he leanawai o ka manao e hoomalu ana I ka pono o ka leliulehu, a ma ka hoohana ana auanei i ua kanawai la o ka manao, e hoopakeleia ae ai kekahi mau poino e kau aku ana maluna o na ona no lakou ia mau kaa a pela pu hoi me ka lehulehu. I ka hoao ana e a'e aku ma kekahi alanui okoa aku, a i ka hoohuli ana ma na kihi o na alanui, a i ole ka hoao ana paha e kaa aku mamua o kekahi kaa e holo ana mamua, mai poina iki i ka hookani ana i ka pu hoailona i loaa ai hoi he manawa nui kupono no kekalii poe e aku e hookaawale ae ai. ī ka hoao ana e puka aku mamua o kekahi kaa, mai poina iki i ka holo ana ae ma ka aoao hema oiai e holo like ana ma ka aoao hookahi, aka hoi ina ma k4kahi aoao ka holo ana mai T raai poina i na rula i pili i na kaa apau, o ia ka malama ana i ka aoao akaū. E holo me ka malie ame ke akahele loa ma na kihi alanui, na wahi uakee artte na wahi e a'e aku ana ma kekahi mau alanui okoa aku, a ma ia hana ana e hoopakele auanei i ka loaa ana o na ulia lehulehu. Mai holokiki ma na wahi haiki, a mai holo ht)i me ka noonoo ole i ka pono o na ohua e noho ana iloko o ke kaa, a ma kekahi olelo ana ae paha mai holo pupule me ka nana ole i ko ha'i mau pono. Mai hookani i Ka pu hoailona e honpuiwa ai ia ha'i e lioopaiakuli pu aku ana no hoi ia i na ohua e noho ana iloko o ke kaa, aka e hookani me ka malie, a- ma ia ano e loaa like ana ka oluolu i ka poe ohua ame ka poe e kokoke ana ma kalii o ke kaa. Mai hoao e hookani i ka pu oiai e ike akn aua i ka puiwaiwa o kekalii lio, a mai hoopakipaki i ka wai a hoopuehu hoi i ka lepo ia ha'i, e nana i ko ha'i pono, oia ke keonimana oiaio. CITY OF MEXIOP, lulai 31.—Ua hoomaluia ka lialepule nui o ke kulanakauhale nel ame ka halekula Amerika mamuli o ka ikeia aohe kupono ke noho hou iloko mamuli o ka poino i hanaia e ke ola'i. He hoonaue ola'i ikaika ka i ik€sia ma keia auwina la hora 12:30, aohe 'nae poino i hanaia.