Ka Nupepa Kuokoa, Volume XLVI, Number 31, 30 July 1909 — LILO HE HAOLE AME KONA LIO I KA WAI [ARTICLE]

LILO HE HAOLE AME KONA LIO I KA WAI

Ma ka Poalua aku nei o ka pule i hala i loaa ae ai lie ulia i kekahi haole nona ka inoa o Thonias Kelly, he mea noho hana no ka Hui Hawaiian Irrigation Company, mamuli o kona lilo ana i ka wai ma Waipio, a aole oia i loaa aku a hala okoa he mau la ma ia hope ma£ E huli hoi ana kela haole maluna o kona lio mai Kukuihaele aku, kahi ana o ka hele ana aku no ke kii ana i kekahi mau hemahema mai ke keena mai o ka hui, a loaa ai iaia kela ulia. Aole he mea i ike maoli i ke ano o kona halawai ana me ka ulia poino, koe wale no ke koho wale ana aku, ua piholo oia me kona lio iloko o ka wai, a ma kela ahiahi, ua loaa aku la kona lio, aole nae ke kanaka olunp. Ua nokeia oia i ka huli ma kela la aole nae he loaa iki o kona kino, a he elua nae la ma ia hope mai, ua ikeia kona kino e waiho ana mawaena o na laau nunui i laweia e ka wai. He haole opiopio no keia nona na makahiki he kanakolu-kumamakolu a oi, a ma Pilipine oia kahi i noho ai ma ke ano'koa, a o keia ae la kana hui o ka noho hana ana a hiki wale i kona maki ana aku la.

Ma ka Mongolia o "ka Poakoiu nei i hoea mai ai ke Kokua Lunakanawai Amerika/Woodruff no keia kulanakauhale no ke kahua o kana hana.