Ka Nupepa Kuokoa, Volume XLVI, Number 31, 30 July 1909 — HE HOALOHALOHA NO MES. NAWAALAU MEDEIROS. [ARTICLE]

HE HOALOHALOHA NO MES. NAWAALAU MEDEIROS.

I ka Nupepa Kuokoa. Aloha oe: E oluolu mai i kekabi wahi leaawale o kou mau kolamu 110 kela mau lalani e kau ae la maluna. Mamuli o ko ke Akua Mana loa lawe ana aku i ka hanu ola makamae o Mrs. Nawaalau Medeiros, a nona hoi ka makou wahi kanaenae ana malalo iho: Ke hoi la iluna e, Ka Hoa o kakou la Maanei luuluu a luhi no Ma o no nae ka maha mau. Aole o kakou ola e mau loa ana maanei, aka, he mahu no i pu-a ae a nalo aku. Ma ka hora kakahiaka o ka o lune, A. D. 1909, i hapapa ae ai na lima aloha ole o ka make ma ka home aloha o ko makou mau makamaka Mr. ame Mrs. Kainoa Kawelu a kaili ae la i ke ola makamae o ka laua lei aloha he kaikamahine, a wailio iho i ke kino lepo na ko ke ao nei e paiauma aku. He kaikamahine maikai a oluolu oia, he hoaloha maikai no na inea apau, he puuwai hamama, he makuahine maikai no kana mau bepe, lie mau kona aloha hoalauna iwaena o ke Kahu, ka Ahaluna, ame na hoahanau o ka Ekalesia makua o Waiohinu, kona Kula Sabati ame kona Ahahui C. E. TJa hala, ua pio ke kukui o ka hale 0 Mrs. Nawaalau Medeiros, ua pau kona olino ana, na wehe i ka pili aloha ana me na makua, na keiki ame ka ohana, ua pau kona ike ana ia lakou, aole hoi e hiipoi hou kona mau lima aloha i kana inau lei, aole hoi e poai puni hou lakou iaia, aolo hoi 6 lohe hou 1 ka leo aloha o kona mau makua ame kona mau pokii. Ua pau kona hanu ana i na ea o ka aina Kuamakani nei, kahi hoi ana i noho ai a kupa a kamaaina a kulaiwi hoi. Ua pau ka pa ana o ka makani kuehulepo o ka aina ma kona mau papalina, aole hoi e hoopulu hou na huna wai o Kauahaao i kona ili no ka mea, ua hele ka uhane ko ola o ke kino, ua hoi aku i ka īnea nana i hana, a waiho iho i ka lepo e hoi i lea lepo. Nolaila, E hooholoia, 0 makou o na hoahanau o ka Eltalesia Makua o Waiohinu, kona Kula Sabati ame kona Ahahui C. E. ina o ko makou Komite la. 1. Ke komo pu aku nei makou e huipu me olua na makua, na keiki ame ka ohana iloko o ko oukou mau u :i kaumaha ana e kanikau pu no ka oukou mea aloha i hala, 2. Ke hui pu nei makou me oukou e uwalo aku ana i ka Makua Lani e holoi ae i ko oukau. mau wainiaka o ka ehaeha, a e hwomama ae i ko oukou mau luuluu me ka hilinai ana e hoomaha io mai no ko kakou Makua Lani ia oukou. 3. E hoolalm ia aku keia olelo hoalohaloha ma na Nupepa Hawaii apau o kakou, .a i hookahi kope i ka ohana. O makou iho no o na hoahanau o ka Ekalesia Makua o Waioliinu, kona Kula Sabati ame kona Ahahui Ō.-E. ma o ko makon komite la. Na Komite—Mrs. Emilv K. Kekaula, Mrs. A. Keouli, Mrs. K. Kawaha, Mrs. Lydia K. Keanu, ame Mrs. Mirriam: L. Napoliona. Waiohinu, Kau, īulai 11, 1909.