Ka Nupepa Kuokoa, Volume XLVI, Number 31, 30 July 1909 — KA HOIKE KULA SABATI O KALAIKAMANU. [ARTICLE]

KA HOIKE KULA SABATI O KALAIKAMANU.

Mr, Lunahooponopono o ka Nupepa Kuokoa, Aloha oe: E oluolu mai kou ahouui i kela mau hua hooni puuwai e kau ae la maluna i ike mai ai na kini Imi pono o ko kaua mau mokupuni mai Haw*aii a ka welona a ka la i Lehua. Ma ka la 4 o lulai i hui ai na Kula Sabati ma kahi i hoikeia ma Kalaiakamanu mai ko na Pali Koolau a hiki i na Koea nei, o na Kula i hiki mai o ■\Vaialua, Kaluaaha, Kamalo hui pu me Kalaiakamanu, eha no kula i hiki mai ma keia hoike hui, o kekalii mau Kula 0 ia o Pelekunu, Waiiau o ke Kula Sabati o ka wailele o Moaula o ia o Halawa |o ia ke Kula Sabati i loaa 1 ka poino ma ka huli ana o ka moku aila ea ma keia huakai, oiai he kanalima a oi na haumana mie na ukana ame na paiai a ma kieia pilikia ana; nui ke kaumaha ame ka luuluu, oiai hookahi ola i hala aku ma kela ao, o ia o Mrs. Mileta Kaikala a ma keia ana o keia Kula Sabati kaulana, ua huli kela mea keia m«a i ke ole e pae ai i ka aina'. Ua loaa no na kokua mai ka poe o ka aina' ma na waa, pela i loaa ai ka lanakila. He ku i ke kaumaha luuluu ka imi ana i kela Moko kaulana, Molokai no ka "Heke." O na Kula i hai muaia ae nei eha o ia na kula i akoakoa mai ma keia la. Iī«; nui na makua i hiki mai, ke Komite Hoeueu o na Kula Sabati o ka L'aeaina, o ia o Henrv Judd, ame ka M-iia O. P. Cook o ka 'aina, ka mea nana i makana mai hookahi bipi ame 4 puua momona no ke Kula Sabati ame ka loio kaulana o ia o H. Hieheoek ame kana lede, ame ka Lunakiai T. T. Meyer me kana lede ame na maka hanohano e ae o ka aina ame na makua ha'iolelo o>ia o Rev. D. Kaai ame Rev. I. D. laea. Hoomaka na hana Kula Sabati ma ka hora ]0:30 me ka himeni L. H. 163 me ka pule a Rev. D. Kaai. He mau olelo paipai mai ke Kahu Kula Sabati Nui mai no kona kula ame na kula e ae, Hon. J. Nazaleta me ka pule a ke Komite Hoeueu, E. S. Timoteo me ka pule a Rev. ī>. Kaai me ka pule a I. D v . laea, na ke Komite Hoeueu E. S. Timoteo i lawelawe na hana o'ke Kula Sabati, Himeni hui 68 L. H. Hoomaka na hana hoike ma Kalaiakamanu ma ke alakai ana a J. K. Koa ma ka ninau Baibala ma na haawina o lun.e mn Ka Hoaloha, Mrs. Julia Kea, alakai himeni. ma ka nana ana i na liana eleu na himeni, he nani ke nana. O ka nui o na haumana—Makuakane, 21; inakuahine, 18; Opiokane, 11;, Opiowahine, 12; Pokiileane, 9; Opiowahine, 13; Huina, he 84. Himeni Hui Leo Hoonani, aoao 2. Kula Sabati o Waialua i alakaiia e J. K. Kiona ma na ninau ame ka himeni. Ika nana aku. ona manu hulu like lele like no lakou, niaikai, ka huina nui o na liaumana he 21. . Himeni Hui mai na malihini mai 0 ke one ai alii o Kakuihewa mai, oki no oe o ka nalu o Kalehuawehe, nani maikai. Kula Sabati o Pupukanioe, Kamalo i alakaiia e kekahi Pokiiwaliine o Miss Milia K. Hennessev ma na ninau e pili ana i ka Baibala mai Kinolii a Hoikeana. nui o na moolelo ame na Kaula nui '&nie na Kaula liilii i hoikeiama ke Kauoha Kahiko ame ke Kauoha Hou, alakai liimeni o Mrs. Lucy DudOit, elua pokii liilii o eono makahiki a oi oikeia m'au pokii ka'u i ike ai he koa* ■ nia ka liinieni like ole o ka Leo Hōonani ame ka Hoku Ao Nani. Kaulana no o Pupukanioe i keia mau Pokii a no kou meakakau o laua kela Moko Heke. Ka huina nui ona haumana he 24. Himeni Hni L. H. 19. Lulu dala ke Kula Sabati, o Rev. D. Kaai ke Komite nana i lawelawe ia liana, hiki aku la keia hoonee hana ana i Honolulu, kuu Pohaku. He $88.55; wehe Ahainele ma ka po, lulai 3, $80.00: po wehe Ahamele hou no ka la 5, $40.65; huina dala apau i loaa, he 209.20. 0 keia man elala apau no ka luakini hou o Kalaiakamanu. Himeni Hui L. H. aoao 2. Kula Sabati o Molokainuialiina, Kaluaalia i alakaiia- e Mr. P. Naki ma na ninau Baibala, Mrs. Julia Anahu alakai himeni, i ka nana- aku na like- me Davida e Halelu ana i kela Moko kaulana "Molokai ka Heke" ma ke Kalana hxiiia o na Honohpiilani, kela mau moko e kaulana nei o Maui ka oi, Molokai ka Hēke. Hinipni Hui 116. He manao paipai mai ia Henry Judd mai ke Komite Nui o na Kula Sabati o ka Paeaina. Manao paipai mai ke Kaliu Kula Sabati Nui, Hon. J. Nazaleta, he mau manao kuliu/ame ka naauao mai ke Komite Hoeueu E. S. Timoteo. Hookuu na hana nie ka himeni, hui L. H. 196 ame ka puie a ka Makua J. D. laea. 1 ka pau ana o na hana o ke Kula Sabati ua-iioomakaukauia he papaaina nui, ua hookipa ia na mea apau e ai, ua ai ua lawa i ka poi ame ka bipi ame ka puaa a ka Meia G. P. Cook. Me na keiki o ka mikini hoolei hua o'ka Papa Pa'iko'ū welina. JOSEPH KOA, Kakauolelo o ke Kula Sabati o Kalaiakamanu.