Ka Nupepa Kuokoa, Volume XLVI, Number 30, 23 July 1909 — HOOHALUAIA KE OLA O KA MAKAI Kiia Ekolu Poka Pu Panapana-Akelekele Wale Iho no ke Ku o ka Makai. [ARTICLE]

HOOHALUAIA KE OLA O KA MAKAI

Kiia Ekolu Poka Pu PanapanaAkelekele Wale Iho no ke Ku o ka Makai.

| Ma ka po oka Poakahi iho nei i p?kele ae ai ke ola o kekahi makaL baikikala makai o Iwilei, ma o kona kiia : ana mai e kekahi mea i maopopo ole I he ekolu mau poka pu panapana. | He hookahi no kumu nui oka pakele ana o ke ola o kela makai, mamuli o ke akamai ole.o ka mea ki pu i ke ki pololei. Maluna no ka makai o kona kaa baikikala kahi i kau ai, me ka holo malie loa ana a iaia i hoea aku ai makai aku 0 ka hale hana tini halakahiki, ua lohe i mai la oia i ke kani o ka pu panapana me ka olohi'a ana o ka poka maluna ae o kona poo. • Ike iho la oia, nona ka kela pu eki ia. mai la, a i wahi nona e pilikia ole $i, ua lole iho la oia mai kona kaa mai, a moe palaha iho la iluna o ke alanui, oiai no nae kona mau maka e hakilo ]oa ana o ka ike aku i ka mea nana e ki nei i ka pu panapana, a no ka maaloalo ole ae o kekahi mea, a oki loa aku hoi kona ike ana i kekahi niau hiohiona e maopopo ai la hoi aia kekahi mea e pee ana ma ia mau wahi "kōkoke, ua kau hou ae la oia maluna o kona kaa, a hoomau aku la i ka holo ana, ma ke alanui, a ia wa i kani hou mai ai ka pu no ka lua o ka manawa, a o ka poka kana o ka lohe ana ae i ka hu ma kahi kokoke i kona pepeiao. Eia kela manawa i ka hora ekahi o ka po, a he elua nae hora ma ia hope i ua makai la e kelepona mai ana 1 ka halewai mai ka pahu hoailona makai mai o Iwilei, ua kani hōu mai la ka pu panapana mai kahi poeleele mai, a.ia wa oia i hoike mai ai i ka halewai no kona hoaoia ana e pepehi e ke» kahi mea, a aole no hoi i loihi iho, ua Ko'ea aku la na makai hou, a noke lakou i ka huli aole he kolohe i loaa aku ia lakou. Ua manao waleia mamuli o ka loaa ana aku o na kauoha i na Kepani e hoo pulapula mai nei i kekahi' mau hana pono ole ma kela apana, ke kumu i loaa aku ai o na manao huhu iloko o kekahi poe malaila, a pela i ala mai ai he manao e pepehi i kela makai a make. - Ua hoike ae o Hope Makai Nui Rose e hakilo loaia aku ana o Iwilei a hiki i ka loaa pono ana o kela mea kolohe. 0 keia no ka po hookahi me ka hoeha i hookauia aku maluna o Makaikiu Leal, koe wale no i ke aumoe mai ko keia makai, a i na hora ahiahi wale no ko Leal.