Ka Nupepa Kuokoa, Volume XLVI, Number 30, 23 Iulai 1909 — KA OLELO HOOHOLO A KA AHA KAAPUNI. [ARTICLE]

KA OLELO HOOHOLO A KA AHA KAAPUNI.

Ma ka Poalua nei i hoopuka mai ai ka Lunakanawai De Bolt, ke kahu o ka Aha Kaupuni, i kona manao hoakaka no ka ninau e pili ana i ke ku i ko kanawai o ke kuai ana i ka opiuma maloko o ke Teritore o Hawaii. 0 ka Loio E. A. Douthitt ke pale ma ka aoao 0 ka mea i -hoopiiia, Lam Yip Kee; o ke kumu hoopii oia no ke ku-e ana i ka Pauku 1399 o na Kanawai i Hooponopono houia o Hawaii, e pili' ana i ke kuai ana i ka opiuma. Ua hoopii ia ae oia ma ka la 30 o Aperila, 1909, oiai aole oia he kauka i laikiniia a aole no hoi ia he kauka kaha, a i ole ia e paa ana paha i kekahi laikini e kuai aku 1 na laau lapaau, a eia nae ua kuai aku la oia ia Ah Loy i kekahi kini opiuma. O ka pane a ka mea i hoopiiia aole oia i hewa, ua haalele mai ke kiure a hooloheia ka hihia imua o ka Lunakanawai De Bolt. Ua ae o Dotithitt, ka loio o ka mea i hoopiiia ua kuaiia ka opiuma, eia nae iloko no o ka pahu mua ( aole i welieia, a malalo o ka hoakaka o ka maliele o ke Kumukanawai e pili ana i na waiwai kalepa o na aupuni, aohe i pili iki i keia hihia. Ma ka wehewehe ana i ka manao o ka ninau no ka pili o ka hewa i ka mea i hoopiiia e like me ka hoopii i waihoia ae ai nona, o keia malalo nei ka manao o ka Lunakanawai De Bolt: "Ma ka hoolohe ana i ka olelo ike, 0 ke kini opiuma i kuaiia ai e ka mea 1 hoōpiiia ia Ah Loy, he waiwai ia i hoounaia mai e kekahi hui Pake ma Hongkong, Kina ia H. G. Playfair o Kapalakiko, Kalepon!. Ma ka la 21 o Aperila, a liookomo mai la ka mea i hoopiiia i ka opiuma iloko nei o k(J Teritore o Hawaii mai ka mokuaina mai o Kaleponi elima haneri kini opiuma, a iloko o ia huina, o ke kini i kuaiia ia Ah Loy kekahi, a oia opiuma ka i kauohaia a i lioounaia mai e kekahi hui Pake ma Kaleponi, i ka mea i hoopiiia ma Honolulu nei. "Ua hooleomoia na kini opiuma elima haneri iloko o na pahu elima a kaia ka inoa o ka inea i hoopiiia mawaho o ia mau pahu apau. "I ka wa i hoea mai ai kela mau pahu opiuma i Honolulu nei, ua wehe ia kekahi o ia mau pahu a laweia ae liookahi kini opiuma a oia no kela kini opiuma i kuaiia ai ia Ah Loy, e hookolokoloia nei. "Aia maluna o kela ame keia kini opiuma ua kuniia ka ma-ka o ka oihana dute, ka la i hookomoia mai ka inoa o ka inea nana i lioouna mai, ka inoa o ka moku nana i lawe mai ke awa i hooleleia ai ame ka inoa o ka luna dute nana i kuni, a o ia mau hoailona apau he hoike maopopo loa ia e hoike mai ' ana ua kuai ka mea hoopiiia i ka opiuma.'» Ua noi ka Loio Douthitt e hookuuia ka mea i hoopiiia, ua hoole ka Ahk a ua kauia mai ka hoopa'i he $50 me na koina maluna o ka inea i hoopiiia.