Ka Nupepa Kuokoa, Volume XLVI, Number 30, 23 July 1909 — PAKELE KE OLA O MAKAIKIU LEAL Aumeume me ka Poe Piliwaiwai-Paa Nae Hookahi o Lakou i ka Hopuia. [ARTICLE]

PAKELE KE OLA O MAKAIKIU LEAL

Aumeume me ka Poe Piliwai-wai-Paa Nae Hookahi o Lakou i ka Hopuia.

Mauka ae nei o ke Kamp raa ke alanui Waina i aumeume ai o Makaikiu Leal me ka poe piliwaiwai ma ke ahi-, ahi o ka Poakahi nei, a e ole ka hoea ana mai o kekahi kokua ma kona aoao,! 1 pela oia i pakele mai ai, niai komo iloko o ka pilikia i ka poe hakihaki kanawai. Aole no nae oia i palekana loa ma ia aumeume ana a lakou, aka ua inoku kona lima i kekahi niea ana i maopopo ole ai mamuli o ka poeleele, a paa. mai nae kekahi o lakou iaia i ka hopuia, a noho ana i ke puhi. i Maluna o ke kaa bake o Leal o ka hele holoholo ana aku ma kahi kokoke i kela Kamp, a ike aku la oia i kekahi ; poe kanaka me ke kukui helepo e noke ana i ka piliwaiwai iwaho o ke alanui. Oiai eia o Leal iluna o ke kaa ua hiki loa iaia ke hele malie me ka hoomaopopo ole mai o ka poe piliwaiwai o ka makaikiu keia, a iaia nae i kokoke loa aku ai ma kahi a ua poe la e akoakoa ana ua lele iho la oia mai kona kaa mai, a holo aku la no kahi a kela poe e puuluulu ana. Ua ikeia mai la no nae keia, a hoomaka aku la ua poe kanaka nei e holo a koe wale iho la no he hookahi o lakou, oia o Kanehakn, no kona ano kahiohio paha, a i ole no ka loaa ole paha iaia lie manawa e holo āi. Ua noke mai la hoi kela kanaka i ka hoopuka i kekahi mavi olelo hailiili i ka makaikiu a hiki i kona hopu okoaia ana aku, a ia wa i holo hou mai ai kela poe piliwaiwai o ka puhee ana e hoopakele i ko lakou hoa, me ka hoao ana 0 kela ame keia o lakou e hoolei kalo paa mai maluna o ka makaikiu. Mai ko io no paha ko lakou makomake ina aole i hoea aku kekahi mea e nolio hana nei maloko o ka hale hanaliao, a kokua ia Leal, a na laua a elua i hoopuehu aku i ua puulu kanaka nei, a paa mai la ko lakou alakai o Kanehaku. He nui ka eha i loaa i ka lima o Leal ana i manao loa ai ua moku i ka pahi, eia nae aole oia.i ike iki i ka pahi maloko o ka lima o kekahi mea, a pela no hoi me ke kanaka nana oia 1 oki mai. He mau wahi no kela i ike mauia i ka piliwaiwai, a oiai no hoi he nui na kiu e hoonohoia ana ma kela ame keia wahi no ka maleaala loa ana i ka hoea aku o na makai ma ia inau wahi, nolaila he hana paakiki loa ka hopu ana i kela poe piliwaiwai malaila.