Ka Nupepa Kuokoa, Volume XLVI, Number 30, 23 Iulai 1909 — KAUOHA KE KANIKELA KEPANI I KA POE OLOHANI E HOI. E HANA. [ARTICLE]

KAUOHA KE KANIKELA KEPANI I KA POE OLOHANI E HOI. E HANA.

Ina he wahi manaolana kekahi iloko o na Kepani Olohani no ke komo kokua ana mni o ke aupuni o lapana ma ke kulana olohani a lakou e ku nei, alaila ua ho.opau loaia aku ia mea mailioko aku o ko lakou mau noonoo mamuli o ke a'o inaoli ana ae o ke Kanikela Kepani Uyeno imua o kekahi heluna nui o na Kepani olohani maloko o ka halekeaka Honolulu ma ke ahiahi o ka Poaono aku la i hala e hoi hou lakou apau i ka hana. | Ua komohia aku ka noonoo iloko o na Kepani noonoo maikai he oi loa ae ka hoolohe ana aku i kela olelo a'o a ko lakou Kanikela mamua o ka keia poe alakai olalau e alakai hewa nei ia lakou, nolaila mahope iho o ka hookuu ana o kela halawai ma kela po, na hoike okoa ae kekahi poe o lakou e hoi hou i ka hana o na mahiko. Aole no nae i nele kekahi māu alakai o na ahahui o ka poe ukuhana kiekie ke komo akeakea ana aku i na Kepalni olohani, me ke a'o pu ana aku aole e hoolohe i na olelo a ke Kanikela. I ka hookuu ana o ka halawai maloko o ka halekeaka, ua holo loa aku la ke. Kanikela me kana kakauolelo no kahi o na Kepani olohani ma Kakaako, a hoike aku la i kela manao hookahi no ia poe Kepani, a oiai nae he heluna nui no o ko Makino puulu ka i akoakoa ae ilaila, nolaila ua hoao ae no lakou e hoohaunaele ma o ka noke ana ae i ke kamailio iwaena o ka wa o ke Kanikela e ha'iolelo ana. O ka mea nae i ikeia, aole he mau haunaele i alai ae iloko o ia wa a ke Kanikela o ka ha'iolelo ana, a aole no hoi oia i hopo iho i ka hoike ana aku i ka mea pololei imua o na kanaka o kona lahui ponoi iho. Oi&i. kekahi kanaka e hoao ana e hoopakele mai i kekahi wahine mailoko mai o kekahi hale e a ia ana e ke ahi ua pau pn akn la ia i ka a ia a loaa ka moepuu o ka wahine.