Ka Nupepa Kuokoa, Volume XLVI, Number 30, 23 Iulai 1909 — LOAA HE MOKU I KE KAI HOEE Pau na Kia i ka Hakihaki, a Haaleleia ma Auckland. [ARTICLE]

LOAA HE MOKU I KE KAI HOEE

Pau na Kia i ka Hakihaki, a Haaleleia ma Auckland.

Ma ke ku ana mai o ka Mokualii Marama no keia awa ma ka • Poalua nei i hoea mai ai ke kapena oluna o keleahi mokukalepa Pelekane Leicester Castle, kekahi hoi o na kapena makaukau loa ma ka holo moku, a nana i hoike mai i ka moolelo o kona moku poino, ana i haalele aku la ihope me na luina ma na kapakai o Auckland. Wahi ana aole ona manaolana i koe no ka hiki ana i kela moku ke hoi hou i kona mau ona mua me ka nui ole o na hoolilo, aka he hookahi no ona waiwai, o ia ke kuai ana aku i ka poe e makemaiee niai ana. 17a haalele aku kela mokukalepa ia Mcnte Video no ka holo ana no Nu Kikela e hoopiha lanahu ai me ka manao mua ole ma kela kelepa e halawai aku ana me na poino ma ka moana. Me ka maikai wale no ia holo ana mai a kela moku, aka i ka piha ana nae o na la ewalu iaia ma ka moana, me ka pa maikai ana o ka makani, ua hoea mai la he kai hoee me na nalu nunui i hoomaopopoia aku aia ma kahi o ka hookahi haneri me iwakalua kapuai ke kiekie a hooku'i mai la i ka moku me ka ikaika. īna ka ua piha ka moku i ka ukana i kela manawa, ua olelo ae ua kapena la, aole he manaolana no ka palekana o ka moku, aka oiai he balaki wale no ka ukana oluna, nolaila i kela wa o ka loaa ana i ka nalu, ua huli aoao aku la ka moku, a aole i huli hou iluna a hiki i ka piha ana o na minuke he umi. He mau wahi pilikia uuku no ka i loaa i kela moku ia manawa, aka ma-. hope mai nae ua loaa maoli oia i ka ino, a hiki i ka pau ana o na pe'a ame na kia i ka hakihaki, a mamuli o ka hilinai ana aku i kahi a ka makani e lawe hele ai i ko lakou moku, ua pae aku la lakou i kahi i manao mua ole ia, he 1200 mile ka mamao mai ko lakou awa maoli mai^ Eia ke holo nei ke kapena o kela moku poino no Kapalakiko, no ke kali ana i na kauoha e loaa aku ana iaia mai na ona aku o kela moku mai Ladana mai, ina no ke kuai aku a mau ano e ae paha e kauohaia aku ana iaia.