Ka Nupepa Kuokoa, Volume XLVI, Number 30, 23 July 1909 — KA MAUA KEIKI I ALOHA NUIIA W. J. ALAPAI UA HALA ME KA WALOHIA. [ARTICLE]

KA MAUA KEIKI I ALOHA NUIIA W. J. ALAPAI UA HALA ME KA WALOHIA.

I ka Nupepa Kuokoa, Aloha oe:—E oluolu mai oe ia'u i kekani -wahi kaawale o kou kino lahilahi no ka puolo j kaumaha e kau ae la maluna no ka 1 maua lei aloha he keiki. ; Me ka naau kaumaha ame ka puu-' wai i kipona ia me ka ehaeha ame na •lima haalulu e naka ana i ke aloha j keiki i hala aku ma kela aoao o ka| muliwai o ka make ma ke ahiahi Poalua, lulai 6, 1909, i haalele mai ai oia i keia ola ana, ma ko laua wahi noho ma alanui Waina, Honolulu. Ua hanauia oia ma Kapaakea, Wai-1 kiki-waena i ka la 4 o Sepatemaba,' 1876, nolaila ua piha iaia ,na makahiki he 32 me 10 malama .ame 2 la ua kokoke no hoi e piha ia laua na makahiki mare he 13 a moku aku la ke kaula gula maemae o ka mare mawaena o laua, a ko ae la ka mea i olelo ia na ka make e hookaawale i kekahi mai kekahi mai. Ua 'hoonaauaoia oia ma ke Sana Lui ma ka la 1 o Okatoba makahiki 1883. A i, ka makahiki 1892 i puka mai ai oia a noho hana ma Hale Dute, a i ka makahiki 1896 i pau ai oia, a mahope mai o ia manawa ua noho hana 'oip. me kekahi poe e ae; a ma ka la 10 o Okatoba, makahiki 1896 i hoohui ia ai oia ma ka berita maemae o ka mare me Miss Julita Nane Palakiko e ka Right Rev. Bishop of 01ba 0 ka Hoomana Kakolika. Mahope o ko laua mare ana ua noho hana oia malalo o H. Hutchison Grocery no na makahiki elua a oi kona lawelawe pu ana me ia a make aku ja kona haku mua, a mahope mai ua noho hana aku oia me ka hui o W. W. Dimond Co., Ltd. no na makahiki ehiku a oi a hiki wale no i kona pauaho ana mai la i keia ola, ana. Ma kona ano he kanaka heahea, a he hookipa i na malihini ma leo laua home aloha, he ike i na makamaka lehulehu mai ke kiekie a ka haahaa, he umeke a he ipukai hemo wale i na poe apau e kipa aku ana ma ko laua home aloha, a he kanaka nui oia i kona mau lioaloha me kona hookae ole i kela ame leeia e hiki' aku ana i ona la. Ua haale]e iho oia ia maua kona mau makua ame kana wahine aloha ame ka.laua lei aloha he kaikamahine, leona pokii ame kona mau kaikuahine aloha, e u aku ana nona mahope nei ame na hoaloha he nui. Ke haawi aku nei maua na makua 1 na hoomaikai he nui i na makamaka ame na hoaloha i kipa mai e ike i ka maua lei aloha he keiki ame na makana pua i laweia mai oiai maua e noho ana me ke kaumaha no ka maua lei aloha he keiki. E hoomaikaiia ke Akua ma na Lani loa, no ka mea "Nana no i haawi mai a nana no i lawe aku." O maua iho no na makua i hooneleia i ke keiki. Walohia wale kuu keiki. MRS. MARIA M. HAO. MR. JOHN HAO,