Ka Nupepa Kuokoa, Volume XLVI, Number 30, 23 July 1909 — HOEA MAI HE MESIA WAHAHEE Hoopipiliia i ka Ta ame ka Hulumoa, a Kipakuia Mai Kona Mai. [ARTICLE]

HOEA MAI HE MESIA WAHAHEE

Hoopipiliia i ka Ta ame ka Hulumoa, a Kipakuia Mai Kona Mai.

Maluna mai o ka Mauna Loa o ke ku ana mai na Kona mai ma ka Poaiua nei i hoea mai ai kekahi haole nona ka inoa o Dennis 6avin ka mea i hoike ae iaia iho o lesu Kristo, a i nokeia mai e ko Kona poe i ka hapala i ke ka me ka hoopipili puia i ka hulumoa. Aole i loaa aku ka ike i ko Kona poe no keia Mesia hou a hiki i kekahi mau pule ae nei i hala, ua puai ae la ka lohe no ke kn ana o kekalii hooniana hou, me ka hoike ana ae o kela "haole, oia ponoi iho no o lesu Kristo, ke keiki a ke Akua. Mamuli o ka maalea ame ka -akamai o keia haole i ka pelo, ua pulapu maoliia aku he heluna nui o na kanaka Hawaii ame kekahi poe Pukiki hiki i ko lakou manaoio maoli ana, g keia io no ke keiki a ke Akua. I wahi e puni loa ai kela poe iaia nei, ua hoikeike maoli aku oia i ka puka kui i kakiaia ai ma kona mau wawae ame ka puka i hou ia ai i ka ihe ma kona aoao, oiai nae mamuli ■wale no o ka epa i hanaia ai kela mau puka i wahi no ka poe naaupo e puni mai ai. He wahine kekahi nona ka inoa o Miss Carlson i puni loa i ka kela haole palan, a hiki i kona kukala okoa ana ae oia o Eva, ka wahine a Adamu, me kona kahiko ana iaia iho a kulike me ko Eva ano, mamua aku o ka hoea ana ae o ka nahesa e hoowalewale iaia. O Miss Beard kekahi mea manaoio loa i ka hana a kela mau mea, a hiki i kona komo kino okoa ana aku e kokua ika laua hana. O keia ka wahine naha I 1 kuknlu i ka home o na keiki makua ole ma Kona. Ma kekahi manao waleia nae, he mau; liana apuhi wale no ka kela haole ame Miss CaTlson i wahi e aku ai na dala a keia wahine hope ia laua. | Aole no he nui loa o ka poe e ana i na a'o ana a kela hoomana hou, aka wahi nae a ua Mesia hou nei, pela iho la ka ko lesu ano, he kakaikahl wale no ka poe i hahai iaia i na la; mua, a na lakou e a'o aku a e hoohuirhuli mai i ko ke ao nei.

Ia lohe ana ae nae hoi o ko Kona poe no. kela kulana hoomana hou ua hooholo iho la kekahi poe e kaiehu aku i kela haole mai ke kahua ana e ku ana, a ma ke Sabati aku nei i hala ua hele aku la kekahi komite me ka manao e hoao aku iaia i ikeia hoi ka mana o ua Mesia hou nei. Ua noke ke komite i ka huli a hiki i ka ioaa ana aku ipaloko o kona rumi maloko o ka hokele Kepani, a ia manawa lakou i hoopiha aku ai i kona waha me ka welu i ole ai oia e uwa, a hapala aku la iaia me ke ta me ka hoopipili ana me ka hulumoa, a i ka ike ana ua holopono ka lakou hana, ua wehe houia ka welu mai kona waha mai, a o ka huli hoi no ia o ke Komite. Ua noke mai la "ka Mesia kolohe i ka uwe me ke kuwo ana no ka nui o ka ehaeha, a e ole wale no e hoopakele ia e na Kepani no lakou kela hokele pela i palekana ai oia mai na hoehaeha ia ana e keia mau hana kolohe a kela komite. Ua nininiia kona kino me ka aila mahu i hemohemo mai ai ke ta ame ka hulumoa. Ua lioea pu mai no keia haole me kela mau wahine elua no Honolulu nei, a i hakalia no a lele iuka nei o ka aina, o ka nalowale aku la no ia o kela haole gauaka. Maluna o ka mokuahi, ua nui kona ke'uke'uia € na ohua, eia nae aole no ia he mea e hoole mai ai i ka oiaio o kana mau mea e hoike mau aku ana, oia maoli no ke keiki a, ke Akua. Eia na ipakai ke haka pono loa nei ko lakou mau maka maluna ona, a ina oia e loaa hou aku ana e lulu ana i kela mau anoano hua kikania aole no e nele ka loaa hou iaia o kekahi mau tini ta ame na hulumoa. O keia ka haole i huikau pu me ka poe na lakou i hoala i kekahi hoomana o ke ano opulepule ma Los Angeles, a ma kekahi ano huna loa i maopopo ole i ka lehulehu, ua hiki i kela poe ke hana mai a hiki i ke kau-oia ana aku o ka noonoo o ka poe e hele mau aku ana 'i na halawai. Ua oleloia ua hiki ka i kela poe ke kamailio i na olelo lehulehu a i kekahi manawa ae nei i hala, ua ikeia kekahi poe o keia ano ma keia kulanakauhale e hana ana i na hana i ano like loa ae la me ka keia haole, a koe aku hoi ka hoolilo ana o kekahi o lakou i keiki na ke Akua.