Ka Nupepa Kuokoa, Volume XLVI, Number 29, 16 July 1909 — PAKELE MAI HOOKU'I ME KA MOKUKUNA. [ARTICLE]

PAKELE MAI HOOKU'I ME KA MOKUKUNA.

Ma kela huakai a ka Mauna Kea o ka lawe ana aku i ka poe makaikai Pokinlai no Hilo, pakele ka ma'i hooku 'i ua mokuahi nei me kekahi mokukuna nona ka inoa o Meta Nelson ma Mahukona. E ku ana kela mokukuna i Mahukona i ka wa o ka Mauna Kea o ka hookomo ana aku i ke awa, a mamuli wale no o ka piha makaala o ke kapena o ka mokuahi i loaa ole ai kekahi poino, e hookomo aku ai i kekahi o ua mau moku nei iloko o ka pilikia. Ua olelo ae o Kapena Freeman a pela no hoi me kekahi poe ohua i ala i kela manawa a ka moku e hookomo ana i ke awa, aole he ipukukui oluna o ka mokukuna e maopopo ai la hoi he moku kekahi o ke awa ia manawa, a eia wale no ka ikeia ana a i ke kokoke loa ana e hooku'i, a ia manawa i hoopaaia ai ka holo o. Mauna eKa me ka peki hou ana ihope. Ua hoike ae na liimoku o ka Mauna Kea, he nui loa na manawa a lakou i ike ai i na moku aole he mau kukui e kau ai iluna o ke kia ma ka po, a mamuli o keia pakele ana iho la e hooku 'i kela mau moku, ua hoikeia ae kekahi manao, e hoohalahala aku ana o Kapena Freeman imua o ka Luna Kukeawa no ka malama ole ana o ke kapena o ka mokukuna i na kanawai pili i na moku.