Ka Nupepa Kuokoa, Volume XLVI, Number 29, 16 July 1909 — AIHUEIA HE HALE HANA UWAKI Lilo Na Uwaki Ame na Komo Gula i Hiki Aku ka Waiwaiio i ka $500. [ARTICLE]

AIHUEIA HE HALE HANA UWAKI

Lilo Na Uwaki Ame na Komo Gula i Hiki Aku ka Waiwaiio i ka $500.

He hoomalolo iho ka hoi na hana uihue no kekahi manawa, a oili ae ana nō kekahi manawa; olai ma ka po aku nei o ka Poalima i hala, i komo aihueia, ae ai ka hale hana uwaki o Sang On Kee e ku nei ma Ve alanui Maunakea, a lilo aku la kekahi mau waiwai oloko i koho waleia, ua hiki aku ma kahl o ka eono haneri dala ke poho. Iwaena o na mea i aihueia, he kanaha mau komolima gula, he elua mau uwaki gula, he mau uwaki dala ame kekahi mau mea lehulehu e ae. 0 kekahi o na uwaki gula i lilo ak« i ka aihueia, he uwaki ia na kekaii Pake kalepa waiwai i make nona ka inoa o Wong Kwai i hiki aku ke kumukuai ma kahi o ka ekolu haneri*dala, a na kana keiki i lawe aku malokok o kela. hale e hana hou ai no kekahi mau wahi i inoino. Ma ka puka aniani mahope mai o ka hale ke komo ana mai a ke kolohe mamuli o ka weheia ana o ka puka aniani me ke ko'i, a i ka wa i weheia aku ai ka hale hana uwaki ma ke kakahiaka Poaono ae, e ahu mokaki mai ana na ukana oloko, i nokeia i ke kuekaa e ka mea kolohe. 1 ka loaa ana aku o ka lohe i ka oihana makaikiu, ua loaa koke no ka hoohuoi ia Makaikiu Leal, no lea mea nana kela hana aihue, a ke ole oia e koho hewa, ua maopopo na kekahi o na Pake i maa i na hana aihue i komo kolohe kela halekuai, a lawe aku i kela mau waiwai ( makamae.