Ka Nupepa Kuokoa, Volume XLVI, Number 29, 16 July 1909 — HE NANE. [ARTICLE]

HE NANE.

Mr. Lunahooponopono o ke Kuokoa, Aloha oe: E oluolu mai hoi kou aoho nui ina e loaa ana kau wahi rurai kaawale o ka hiwahiwa a ka lahui, no ka'u wahi opeope, a nau hoi ia e aha'i aku i ka loa ame ka laula o Hawaii kuauli, i ike mai ai na kini lae niua huli mea pohihihi o keia au naauao nui wale. Penei no ia: He Kama ka'u i hanau mafioe ia iloko o ku'i ka hekili nei ke ola, a ka uwila i Kaneohe. He lei ,a he milimili na ka ua punohu ula i.ka moana. Oka mua o ua luhi la, a maua me ia nei, ke noho nei ia maluna o ka aina, me ke kilohi ana i ka hono o na moku, mea ole ka piina ka ihona pali, e lekei ana maluna o na mauna, a no ka mea, ke i mai nei ka Haku, Owau no ka mala* malama o kt< ao nei, o ke kulanakauhale i ku ma kahi kiekie aole loa ia e nalowale, oiai o ka mea huna o ka aina ua ike ia. O ka lua o kuu luhi wahine ole, ua hookuuia aku ia e hele maluna o na ale kupikipikio o ka moana nui kai hohonu e pehia ana hoi e na hunakai lelehune kai heahea i ka ili me he kui la e houhou mai ana i kuu poli. Ua kaahele ia e laua ka aina me ke kai, a o ko laua aloha no oukou, ua lawa ia no ke kaapuni ana i ka Hoiiua holookoa/ Ninau 1, Owai ka inoa o kuu mahoe mua? Ninau 2, Owai ka inoa o kuu mahoe hope? - 0 ka mea hiki mua no imua o ka Lmnahooponopono me haina pololei o keia nane, ame na wehewehe ana e loaa no ka. makana lawe wale o elua mahina i ka nupepa Kuokoa, me ka lana o ka manao aole e-u ia iho a puehu e mai no ka nananana i na olohe kumanowai o hikiaola, me na keiki oniu hua kapau ko'u aloha. Kou no a mau, W. B. KAUKAWELI HOME. Keena Oihana, Halepaahao o Uwahipouli.