Ka Nupepa Kuokoa, Volume XLVI, Number 28, 9 July 1909 — KOHOIA O MATHESON I KAKAUOLELO [ARTICLE]

KOHOIA O MATHESON I KAKAUOLELO

Maiwaena ae o ka nui o na kanaka opio o keia kulanakauhale, o Mr. R. 0. Matheson o ka Nupepa Advertiser ka ke Kiaaina o ke kikoo ana mai ma ka Poalua nei i kakauolelo ma kahl 0 Mr. Conklin i hookiekieia ae i Puuku no ke Teritore. He kakau'nupepa ka "hana a keia liaole no kekahi mau makahiki loihi 1 hala ae nei ,a maloko o ke keena o ka Advertiser i noho ai oia iloko o ia mau makahiki, a oia kekahi o na haole akamai a makaukau loa ma ia hana. Ma na manawa i hele hoomaha ai ka Luuahooponopono o kela nupepa, ua lawe ae oia i ke kulana lunahooponopono no kekahi mau manawa lehulehu r a o kona haalele ana mai la i kona kulana, ua hooneleia mai ka Advertiser i kona kanaka lima akau. Aole wale no nae o keia ke kanaka o ka Advertiser i kikooia mai la no na hana aupuni, aka ua lilo aku la o Mr. Albright i kakauolelo no ka Ahā Amerika, o ia nei no kekahi o na meakakau o ka Advertiser. Ma ko laua mau wahi e hoopihaia aku ana ia e kekahi mau kanaka i niakaukau ma ia hana, mailoko mai o na kanaka kakau nupepa o kekahi mau keena pa'i n\ip?pa e ae.