Ka Nupepa Kuokoa, Volume XLVI, Number 26, 25 June 1909 — HOOPAKELEIA HE KAMAIKI OPIO Pakele Mai Piholo Iloko o ke Kai—Hoea Nae ka Hoopakele i ka Wa Pono. [ARTICLE]
HOOPAKELEIA HE KAMAIKI OPIO
Pakele Mai Piholo Iloko o ke Kai—Hoea Nae ka Hoopakele i ka Wa Pono.
E ole ka lioea ana ae o kekahi haole maliliini, me lea lele ana iloko o ke kai ma ka uwapo o Haaliliamanu, pakele. ai ke ola o kekalii kamaiki opio Hawaii, mai piholo iloko o ke ka* ma ka auwina la o ka Poakahi nei. Ma ka hapalua o ka liora ekolu o kela. auwina la, aia kekahi keiki opiopio e auau ana malalo pono o ka uwapo Haaliliamanu, a oiai he nui ka poe e hele aha maluua pono ae o kela uwapo, ua lohe lakou i ka leo kahea o kela keiki, eia nae no ka manao paha o kekahi poe, he kahea kolohe wale iho no kela na ke keiki, aole lakou i hoolohe aku i kana kahea mai. I ka inaalo ana ae nae o kela haole, nona ka inoa o Walter Kier ma kahi kokoke i kela wahi, ua lohe aku la oia i ka leo ka*hea o ke keiki, a ike aku la oia e piholo iho ana ua keiki Ia iloko o ke kai. Me kona kakali hou ole iho no ka wehewehe ana i kona lole a i kona mau kamaa palia, ua lele aku la no oia •me kona mau pono apau iloko o ke kai, a hoomaka aku la e au no kahi o ke keiki piholo, a huki mai la iaia no ka aina maloo. Ua kahuliia ka wawae o kela keiki, pela i loaa ai iaia kela poino, a ina no i lolii iki iho ka mea kokua, ina he keiki make. oia ma ia auwina la, a he kumakena hoi maloko o kona home. Ua nokeia oia i ka opa a hiki i ka palupalu ana o na aa o kona mau wa> wae, a o ka pakele loa no ia o ke kamaiki mai na pilikia mai. Ua nui ka poe i ninau aku i ka inoa 0 kela haole, eia nae ua huna loa oia 1 kona inoa, me ka hookaawale koke ana iaia ilio, i ole ai e nui na mahalo e hookauia aku maluna ona. I ka' hookoloia ana aku i ke ano o kela haole, ua hoomaopopoia, he malihini oia o ka hoea ana mai i Honolulu nei. Iwaena. o ka poe i ahewaia e ke Kiure Nui o ka Aha Amerika, o Lunakiai Chas. Kahee ame ka Hope Lunaleka J. J. Hiorth o Kauai kekahi mau mea i komo pu iloko o ka hoike a lee Kiure.