Ka Nupepa Kuokoa, Volume XLVI, Number 26, 25 June 1909 — HOOLOLIIA KA HOOPA'I O GEO. KALEIKINI [ARTICLE]

HOOLOLIIA KA HOOPA'I O GEO. KALEIKINI

Ma ka Poakahi nei i hoopuka mai ai ke Kiaaina i kona manao e hoololi ana i ka hoopa'i o Kaleikini mai ka liia ma ka amana a i ka hoopaahaoia a pau ke ola. O George Kaleikini keia he kanaka Hawaii i ahewaia no ka pepehi ana a make i kana wahine ma Kalihi iloko aku nei o Augate o ka makahiki i hala. . | Ua pakele ke ola o Kaleikini mamuli o ke kumu nui hookahi wale no a ke Kiaaina i noonoo ai, oia hoi, aole ka noonoo maikai iloko o. Kaleikini i kona manawa i pepehi ai i kana wahine mamuli o ka laweia ana o na olelo a kona makuakane a noonōo akahele loaia. I He mau pule lehulehu ka waiho ana o ka palapala hoahewa hoopa'i make o Kaleikini iluna o ke pakaukau o ke Kiaaina a ma ka Poakahi nei akahi no a loaa kana olelo hooholo hope loa no kela hihia. I Ma kahi o kona liia e like me ke kanawai ua hooholo ke Kiaaina i kona hoopa'i e noho maloko o ka halepaahao a pau na la o kona ola ana. I O kekahi o na hana hope loa a Pe- j residena Rusawela mamua ae o kona . pau ana, o ia kona hookaawale ana i 5,000,000 eka ululaau hou a pakui aku me ka ululaau i hookaawale muaia. j — | Mare kekahi kaikamahine opiopio J nona na makahiki he 25 i kekahi ka. naka elemakule makapo nona na makahiki he 86.