Ka Nupepa Kuokoa, Volume XLVI, Number 26, 25 Iune 1909 — HELE ULULU KA MAKAI NUI NO KAHUKU [ARTICLE]

HELE ULULU KA MAKAI NUI NO KAHUKU

Ma Poaono nel i loaa mai ai he lono kelepona ia Makai Nui Jarrett mai Kahuku mai e hoike mai ana, me he mea la ua hoopaapioia he elua a ekolu mau Kepani i makemake hou e hoi i ka hana o ka mahiko, e ka poe olohani ma kekalii wahi i manaoia e kokoke la i kahi hoolulu o ka poe olohani ma Kahuku. Aole i lioohakalia iho ka Makai Nui 1 ka hdt»ko ana aku i ka hana ma kona aoao ma ke ano luna aupuni, oiai ua kauoha kōkei aku oia i ka Hope Makai Kiekie Mr. Doyle, W. A. Kinney ame kekahi mau makai eha, o ko lakou kau aku la no ia maluna o ke kaa otomobile nolalo o Kahana. O ka inanao maoli o kela huakai a ka Makai Nui, o ia no ka hele ana e hoopakele mai i ka poe Kepani i hoopaapioia, ina he poe kekahi e loaa aku ana ia lakou ua hanaia peJa, a e hopu aku hoi i ka poe na lakou ia mau hana kolohe. Ua.hoolakoia na makai me na mea e hiki ai ke kupale aku i ka wa e ata mai ai he hoohaunaele ana ma kekahi aoao mai, aka iloko nae o kela mau makaukau apau, aole lie mea i hanaia. la hoea ana aku o ka Makai Nui ame kona mau hoa no Kahana, aole he hiohiona o ka hĀopaaia o kekahi mau Kepani, a he maikai ke kulana o na mea apau malaila. Ua oleloia, na ka Hope Makai Nui Mr. 0. Cox o Waialua i hoike mai i kela lohe i Honoluīu nei e like me ia i hoikeia mai iaia mai Kahana mai, aka he hookahi nae mea i ikeia* ma kela huakai a ka Makai Nui, o ia no kona. hoi wale ana mai me. ka hoohana oleia o na kanaka ana o ka lawe pu ana aku no ka hoopakele ana ae i ka poe i manaoia he mau pio.