Ka Nupepa Kuokoa, Volume XLVI, Number 25, 18 June 1909 — LOAA HE PAELE MAKE I KA MAKAI Kau na Hoohuoi no Kona Make ana Maluna o Kekahi o Kona Mau Hoa. [ARTICLE]

LOAA HE PAELE MAKE I KA MAKAI

Kau na Hoohuoi no Kona Make ana Maluna o Kekahi o Kona Mau Hoa.

Ma ke kakahiaka nui o ka Poalua nei i loaa aku ai ke kino make o kekahi Paele luina oluna o ka Mokuahi Pleiades e waiho mai ana iloko o ka pa papa ma ke alanui Moiwahine, ma 0 aku o ka makeke kuai i'a, a ma na helehelena i hoomaopopoia o ke ano o kona make ana, ua loaa na hoohuoi, ua noke maoliia oia i ka pepehi e kekahi mea a mau mea paha, peia iho la oia i make ai. Ma kahi kokoke i ka Paele make e waiho mai, ana kekahi pauku laau i ihaukae i ke koko, a e pipili ana no he mau lauoho, e hoike okoa mai ana ia, me kela pauku iaau i nokeia ai ke poo o ka Paele i ka hiii a hiki i kona make ana. Ua loaa aku ke kino make o keia Paele ia .Makai Parish, a nana i hoike loa mai ia Hope Makai Rose, a na ke kaa makai hoi i lawe loa aku no kahi kaha kanaka, no ka nana ana i kahi o na palapu i loaa iaia. Mamuli o nā. iohe ame na mea i hoo* maopopoia, i hoikeia maj i ka oihana makai, ua paa ae kekahi poe luina oluna o ka moku hookahi me ka mea 1 make i ka hopuia ma ke ano hoohuoi, oiai ua ikeia ka inu pu ana i ka rama me ka mea i make ma kekahi mau hora o ka po aku mamua o ka loaa ana ae o kona kino malee. O Tom Cummins, Jim McCandless, George Harbottle ame Dan Kaai, he poe luina wale no noluna o kela moku ka poe a ka olhana makai o ka hopu ana, me ka paa puia ana hoi o ke kiaipo, Mr. Richter i hoike. Ma ka manawa o ka ninauia ana aku o Tom eiimmina ame McCandless no na mea e pili ana i ka mea i make, ua olelo ae laua, hoi aku laua no ka moku ma ka hora ekahi o ka wanaao Sabati no ka ninau ana i kela Paele, me ka hoike pu ana aku i ka poe o ka moku, ma ka hora umi o ka po/aku mamua, ko laua lke hope ana iaia. Ma na oleloike nae 1 hoea ae -imua 0 ka aha koronelo i malamaia no ka ninau pono ana i ke kumu I make, ai o kela Paele, ua oili ae la kekahi mau ike, maloko o kekahi hale ma ke alanui Liliha kahi i noke ai na mea i hopuia ame ka Paele i make, 1 ka inu rama, a hiki i ko lakou kipaku okoaia ana mai kela hale aku, mamul! o ko lakou hoohaunaele ana.

He mau wahine kekahi I hoea ae imna o ke koronelo ma ke ano he mau hoike, a no ka pau pono ole o na hoike i hoopaneeia al ka ninaninau ana a hiki i ka Poaleolu ae. He nui na hoike i noke houia i ka ninaninan no ke kumu o ka make ana 0 kela Paele, aka a hiki wale nae i na hora aumoe, aole no i pau ka ninaninauia ana, alea iwaena nae o na hoike apau i hoea ae imua o ke koronelo, ua koikoi loa na ike e hookauia aku ai na hoohuoi ana maluna o Jim McCandless, nana i pepehi i keia Paele. Ma ka hapanui o ia mau ike, ua. hoomaopopoia, ka pili mau ana o Jim McCandless me kela Paele ma ka po 1 loaa aku ai kona kino make ma kekahi kakahiaka ae. O na haole olalo o ka hale hoolulu kaaahi kekahi i ike i ka hauwalaau o kekahi mau kanaka ekolu ma kela po, a. ma ka laua hoomaopopo aku ma ke ano o ka lakou mau mea e kamailio ana, ua ano piipii kai maoll ka lakou mau oieio. O ke kanaka kiai kexahi o ke kao eli awa i laweia ae i hoike a wahl ana, ua ike oia he ekolu mau kanaka e hoi ana no ka moku mahope iho 0 ka hora umi o ka po Poakahi, a mai ka moku mal ko lakou hoi hou ana nouka nei o ka aina, a i kana ike aku, ua pau nui lakou i ka ona. Eia no ke noii pono loaia mai nei na mea e pili ana i ka make ana o kela Paele.