Ka Nupepa Kuokoa, Volume XLVI, Number 25, 18 June 1909 — NOHO KA AHA HOOKOLOKOLO I KA LA SABATI. [ARTICLE]

NOHO KA AHA HOOKOLOKOLO I KA LA SABATI.

No ka manawa mua loa iloko o ka moolelo o na aha hookolokolo ma Hawali nei, akahi no a ikeia ka malama ana o ka aha hookolokolo ma ka la Sabati e like me ia i noho ai ma ke Sabati aku nei i hala. 0 na hana ohumu, & hooweliweli i ala ae mamuli o ka olohani ana o na Kepani o na mahiko ma keia mokupuni, ke kumu nana i kono aku i kekahi o na Lunakanawai Kaapuni e malama i kana aha ma ia la. 1 ka wehe ana o ka Aha Kaapuni ma ke kakahiaka o kela la Sabati, o Lunakanawai Whitney ka i noho e hoolohe i ka h\hia o na Kepani na lakou i hoeha i kekahi o lakou no kona hoi ana i ka hana ma Waipahu, aka ua pau nae ka hapanui o ia kakahiaka ma ka waiho ana o na loio o na aoao a elua i na kumu kupono, a hiki i ka ae okoa ana mai o ka aha e hookuu i ka poe i hoopiiia malalo 0 ka bona. Mahope koke iho o ka hookuuia ana aku o ka poe i hoopiiia, ua hopu houia aku kekahi poe Kepani e akoakoa ana ma ka papahele ekahi o ka hale hookolokolo, eia nae mamuli wale no o ka makaaia o na makai ke kumu o ka paa ana o ka poe i hoohuoiia, oiai ua hoao o Loio Liightfoot e hoopakele 1 kona mau haku, ma ke kauoha ana ia lakou e holo no kekahi puka e pakele ai, a o ka paa e ana i ka makai i ke pani ia, pela i hiki ole ai i kekahi 0 lakou ke pakele. O kekahi o na kumu hoopii ma ka aoao o ke aupuni no kekahi mau Kepani 1 hopuia ai, o ia no ka ohumu ana e lawe i ke pla o Mr. Shiba, ka lunahooponopono o kekahi o na nupepa Kepani, e a'o ikaika nei i kona lahui e hoopau i ka oiohani ana. Ua pau nui no nae keia poe Kepani 1 ka hookuuia mamuli o ko iakou wai'ho ana ae i ka bona pakahi o elua haneri me kanalima dala.