Ka Nupepa Kuokoa, Volume XLVI, Number 25, 18 Iune 1909 — KA MEA E HOOPAUIA AI KA NONOLO O KA IHU. [ARTICLE]
KA MEA E HOOPAUIA AI KA NONOLO O KA IHU.
He mea maa mau ka ikeia ana o ka nonolo o ka ihu o na mea apau i ko lakou manawa e hilimoe ai i ka po, aia nae a huli ke alo iluna, a he hana uluhua no hoi i ka poe e aia aku ana a lohe i ka nonolo mai o ka ihu o kekahi mea e moe ana. Ua loaa mai nei nae he alahele e nonolo ole ai ka ihu i kekāhi haole ma Kikako, a oiai o ka huli o ke aio iiuna ke kemu e nonoio ai o ka ihu, nolaila, o kana i hana ai, o ia no ka hoopaa ana i kekahi mea nui poepoe mahope pono o ke kua, i hoopaaia me ke kaula, a i ka wa e huli al ke alo o ka mea nonolo o ka ihu iiuna, a pa ke kua i keia mea poepoe, o kona ala koke no ia, a hiki ole ke nonolo kona ihu. O ka hiamoe aoao wale no kona pono, a ma ia ano nae aole e nonolo ana kona ihu.
Maluna o kahi moe ka Moiwahine kanemake Margherita o Italia i na mahina elua i hala mamuli o ka nui o ka hu'i o ke kino.